‘आयोगको सिफारिस कार्यान्वयन भएन’
काठमाडौँ, २० असार । राष्ट्रिय मानवअधिकार आयोगले न्यायका लागि सरकारलाई गरेको सिफारिस कार्यान्वयन नभएको गुनासो गरेको छ ।
राष्ट्रिय मानवअधिकार आयोगले यहाँ आज आयोजना गरेको ‘मानव अधिकार संरक्षणमा सञ्चारमाध्यमको भूमिका’ विषयक अन्तक्र्रियामा आयोगका प्रवक्ता मोहना अन्सारीले आयोगले न्यायका लागि सरकारलाई गरेको सिफारिस कार्यान्वयन नभएको गुनासो गर्नुभयो ।
मानवअधिकारको अवस्थाका बारेमा यथार्थ जानकारी बाहिर ल्याउनका लागि सञ्चारमाध्यमको महत्वपूर्ण भूमिका रहने भन्दै प्रवक्ता अन्सारीले मानवअधिकार संरक्षणमा आयोग प्रतिबद्ध रहेको बताउनुभयो ।
आयोगका सचिव वेदप्रसाद भट्टराईले न्यायका लागि आयोगले सरकारलाई गरेको सिफारिस कार्यान्वयन पक्ष कमजोर हुँदा सही रुपमा पीडितले न्याय र पीडकले सजायबाट वञ्चित हुनुपरेको जानकारी गराउनुभयो । आयोगले भूकम्पपछि प्रभावित १४ जिल्लाको मानवअधिकारको अवस्थाबारे निरन्तर अनुगमन गरिरहेको र आगामी दिनमा पनि त्यसलाई निरन्तरता दिने जनाएको छ ।
त्यस्तै, आयोगले मानव बेचबिखन, छुवाछुत, महिलामाथि हुने सबै खालका विभेद अन्त्यका लागिसमेत पहल निरन्तर क्रियाशील भइरहेको जनाएको छ । रासस