मिस ‘टुरिजम’ २०१६ को उपाधि थापामगरलाई
ललितपुर, २५ भदौ । सहरी विकासमन्त्री अर्जुुननरसिंह केसीले पर्यटकीय क्षेत्रको विकासका लागि व्यवसायी र राज्य एक भएर लाग्नुपर्ने बताउनुभएको छ ।
प्वाइन्ट मिडियाद्वारा आज यहाँ आयोजित मिस टुरिजम २०१६ को ग्रान्ड फाइनलको उद्घाटन गर्दै उहाँले आन्तरिक पर्यटनलाई मजबूत बनाउन पर्यटन व्यवसायीको महत्वपूर्ण भूमिका रहने बताउनुभयो ।
पर्यटकीय विकासले देशको आर्थिक मेरुदण्डलाई बलियो बनाउने मन्त्री केसीको भनाइ थियो । प्राकृतिकरुपमा परिचित क्षत्रेलाई पर्यटकीय गन्तव्यका रुपमा विस्तार गरिनुपर्नेमा उहाँले जोड दिनुभयो । ग्रान्ड फाइनलअन्तर्गत मिस टुरिजम २०१६ को विजेता वडुषा थापामगर, फस्ट रनरअप जेनी अमात्य र सेकेन्ड रनरअप शर्मिला तामाङ घोषित भए ।
विजेता थापामगरलाई रु ५० हजार, फस्ट रनरअफ अमात्यले रु ३० हजार र सेकेन्ड रनरअप तामाङले रु २० हजार पुरस्कार प्रदान गरिएको थियो । रासस