दुर्गममा स्वास्थ्य चौकी र विद्यालय भवन बने

File Photo

गोरखा, १७ कात्तिक । चीनको तिब्बतसँग सिमाना जोडिएको उत्तरी गोरखाको छेकम्पार गाविसमा स्वास्थ्य चौकी भवन र विद्यालय भवनको पुनःनिर्माण गरिएको छ । छेकम्पार बर्थिङ सेन्टर र बुद्ध प्राथमिक विद्यालयको भवन भूकम्प प्रतिरोधी निर्माण गरिएको हो ।

जिल्ला जनस्वास्थ्य कार्यालय र जिल्ला शिक्षा कार्यालयसँग समन्वय गरी चेया अस्ट्रियाको आर्थिक सहयोगमा चेया नेपालले भवन निर्माण गरिदिएको जनस्वास्थ्य कार्यालयका प्रमुख केदारराज पराजुलीले बताउनुभयो । ती भवन हालै हस्तान्तरण भएका हुन् । स्वास्थ्यचौकी भवन निर्माणमा रु ४५ लाख लगानी भएको चेया नेपालकी सृष्टि सिलवालले जानकारी दिनुभयो ।

त्यस्तै, विद्यालय भवन भने रु ३३ लाखमा निर्माण सम्पन्न भएको हो । पुनःनिर्माण प्राधिकरणले तोकेको मापदण्डअनुसार भवन निर्माण गरिएका छन् । बाटो अवरुद्ध हुँदा निर्माण सामग्री ढुवानी गर्न हेलिकोप्टरको प्रयोग गरिएको थियो ।

चेया नेपालले स्वास्थ्यचौकीमा दुईजना स्वास्थ्यकर्मी राखिदिएको छ । बुद्ध प्राविमा ५० जना विद्यार्थी पढ्दै आएका छन् । विद्यालय निर्माणपछि टहरोमा बसेर पढ्नुपर्ने बाध्यता हटेको छ । रासस

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter