घान्द्रुकमा चित्र कार्यशाला हुँदै

art-councilकाठमाडौँ, १९ कात्तिक । काठमाडौँमा जारी अन्तर्राष्ट्रिय जलरङ महोत्सव अन्तर्गत आज विभिन्न देशका कलाकारले नेपाली संस्कृति तथा प्रकृतिको चित्र सिर्जना गरेका छन् ।

जमलस्थित राष्ट्रिय नाचघरमा आयोजना गरिएको कार्यशालामा नेपाली वेशभूषाले सजिएका विदेशी चित्रकारले चित्र कोरेर यहाँको परिवेश र संस्कृतिलाई चित्रमा उतारे ।

बबरमहलस्थित नेपाल कला परिषद्मा बिहीबारदेखि सुरु भएको सो महोत्सवलाई प्रभावकारी बनाउन आयोजित कार्यशालामा सहभागी भारतका अमित कपुर, मलेसियाका जानसन चाउँ, इन्डोनेसियाका अग्नुस बुद्धियन्ता, क्यानडाका अतनुर डोगान र थाइल्यान्डका डिटेक किङनोक र नामचाई सेन्सुयरले नेपालको कला, संस्कृतिले मन जितेको बताउँदै यहाँका विभिन्न रमणीयस्थलले आफूहरुलाई आकर्षित गरेको प्रतिक्रिया दिनुभयो ।

इन्टरनेसनल वाटरकलर सोसाइटी नेपाल च्याप्टरका आयोजनामा भएको सो महोत्सव यही कात्तिक २५ गतेसम्म सञ्चालन हुने छ । त्यसमा नेपालका ६५ तथा भारत, चीन, थाइल्यान्ड, मलेसिया, सिङ्गापुर, म्यान्मा, बङ्गलादेश, पाकिस्तान, स्पेन, अस्ट्रेलिया, इन्डोनेसिया, टर्की, फिनल्यान्ड, ग्रीस, चेक रिपब्लिक, बुल्गेरिया, बेलारुस, लगायत ३९ देशका १५६ कलाकार सहभागी छन् ।

महोत्सव अन्तर्गत कास्कीको घान्द्रुकमा यही कात्तिक २०–२३ गतेसम्म हुने स्थलगत कला कार्यशालामा नेपाल र विदेशका ६५ चित्रकार सहभागी हुने वाटरकलर सोसाइटी नेपालका देवेन्द्र थुम्केलीले जानकारी दिनुभयो ।

भूकम्पमा मृत चित्रकारको प्रदर्शनी

गत वर्षको ‘गोरखा भूकम्प’मा ज्यान गुमाएका अमेरिकी कलाकार जिम डेनिस्चका चित्रको प्रदर्शनी आजदेखि बबरमहलस्थित सिद्धार्थ आर्ट ग्यालरीमा सुरु भएको छ । आगामी मङ्सिर २ गतेसम्म चल्ने प्रदर्शनीमा उहाँको आफ्नो पछिल्लो जीवनकालमा खिंचिएका २५ चित्र समावेश छन् । ‘द टेन वाटर जार्स÷आर्ट फ्रम द टाइम अफ अर्थक्वेक’ नाम दिइएको उक्त प्रदर्शनीमा राखिएका अधिकांश चित्र पानीको जार बोकेर हिँडेका महिलाका बहुअर्थी लाग्छन् ।

रेशमको कपडामा ‘डिजिटल प्रिन्ट’ गरिएका चित्रले महिला पानीमा भिजिरहेको देखि लिएर उनीहरुका हरेक क्रियाकलाप देखाएका छन् । त्यस्तै पानीको जारसँग सम्बन्ध जोडेर बनाइएका बुद्ध, विभिन्न भूदृश्य, नदीनाला, गाउँ आदिका चित्र समेत छन् ।

प्रदर्शनीमा राखिएका चित्रको मूल्य रु ४० हजारदेखि ६० हजारसम्मको छ । काभ्रेपलाञ्चोकको पात्लेखेतमा निधन भएका डेनिस्च विसं २०६५ताकादेखि नेपालमा सपरिवार बस्दै आउनुभएको थियो ।

प्रदर्शनीको उद्घाटन गर्दै इन्डिगो ग्यालरीका निर्देशक जेम्स गियमब्रोनले कलाकार डेनिस्चसँगको २६ वर्षे मित्रताको स्मरण गर्दै उहाँ पूर्वीय आध्यात्मिक दर्शनलाई बुझेको व्यक्ति भएको बताउनुभयो । सिद्धार्थ आर्ट ग्यालरीका निर्देशक सङ्गीता थापाले स्व डेनिस्च आफूले भेटेको पहिलो विदेशी कलाकार भएको स्मरण गर्नुभयो । रासस

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter