स्वदेशी तथा विदेशी आरोहीको नागरिक अभिनन्दन

Kathmandu Metropolitionकाठमाडौँ, ४ मङ्सिर । काठमाडौँ महानगरपालिकाले मकालु र कञ्चनजङ्गा हिमाल आरोहण गर्ने स्वदेशी तथा विदेशी आरोहीलाई आज नागरिक अभिनन्दन गरेको छ ।

मकालु र कञ्चनजङ्घा हिमाल आरोहणको हीरक महोत्सवका अवसरमा नारायणहिटी सङ्ग्रहालयमा आयोजित विशेष कार्यक्रममा २० भन्दा बढी आरोहीलाई सम्मान गरिएको हो । सन् १९५५ मे १५ मा मकालु र मे २५ मा कञ्चनजङ्गा हिमालको पहिलो आरोहण सफल भएको थियो । विश्वको पाँचौँ अग्लो मकालु (आठ हजार ४६३ मि) र तेस्रो अग्लो कञ्चनजङ्घा (आठ हजार ५८६ मि) हिमाल हो ।

कार्यक्रममा संस्कृति, पर्यटन तथा नागरिक उड्डयन मन्त्रालयका निमित्त सचिव सुरेशराज आचार्यले नेपाललाई विश्वसामु पहिचान गराउने हिमाल आरोहणको हीरक महोेत्सवले विश्व पर्यटन बजारमा नेपालको प्रवद्र्धन गर्न सहयोग पुग्ने विश्वास व्यक्त गर्नुभयो । पर्यटन विभागका महानिर्देशक जयनारायण आचार्यले नेपाल पर्वतारोहणका लागि सुरक्षित रहेको सन्देश विश्वमा प्रवाह गर्न महोत्सव उपयोगी हुने बताउनुभयो ।

कामपाका निमित्त प्रमुख कार्यकारी अधिकृत सनतकुमार थापा र नेपाल पर्वतारोहण सङ्घका अध्यक्ष आङ्छिरिङ शेर्पाले नेपालको पर्यटनलाई विश्व बजारमा प्रवद्र्धन गर्न महोत्सवको भूमिका हुने बताउनुभयो ।

युनियन अफ इन्टरनेसनल एसोसिएसनका अध्यक्ष फ्रिस्ट भ्रिजल्याड, युनियन अफ अल्पाइन क्लबका अध्यक्ष डा इन जोडलीले जलवायु परिवर्तनका कारणले नेपालका हिमाल कालो पत्थरमा रुपान्तरित भइरहेकामा चिन्ता व्यक्त गर्नुभयो ।

“नेपाल हाम्रो दोस्रो घर जस्तै लाग्छ, यहाँका सुन्दर हिमालयले हामीजस्ता धेरैलाई आकर्षित गरिरहन्छन्, त्यसैले हामीलाई यहाँ आइरहन मन लाग्छ”–आरोहीहरुले भन्नुभयो ।

त्यसअघि टुँडिखेलबाट ठमेल, लैनचौर हुँदै नारायणहिटी सङ्ग्रहालयसम्म प्रभातफेरि आयोजना गरिएको थियो । प्रभातपफेरिमा स्वदेशी तथा विदेशी आरोही, पर्यटन व्यवसायीलगायतको सहभागिता थियो । रासस

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter