आरोही धमाधम गन्तव्यतर्फ

Moun Everestकाठमाडौँ, २२ चैत । वसन्त ऋतुको आगमनसँगै सगरमाथालगायत हिमाल आरोहणका लागि नेपालसहित विभिन्न मुलुकका आरोही यतिखेर धमाधम गन्तव्यतर्फ लागिरहेका छन् ।

हिमालचुली आरोहणका लागि आजसम्म ३० वटा आरोहण समूह विभिन्न मितिमा त्यसतर्फ गएको पर्यटन विभागले जनाएको छ ।

विभागबाट आरोहण अनुमति लिएर एकसाताअघिदेखि विभिन्न समूह आरोहणमा गएको र अझै आरोही आउने क्रम जारी रहेको विभागका निमित्त महानिर्देशक दुर्गादत्त ढकालले  जानकारी दिनुभयो ।

उहाँकाअनुसार अहिलेसम्म सगरमाथा आरोहणका लागिमात्र १७ वटा समूहका १४७ आरोही गएका छन् । त्यसैगरी अन्नपूर्ण दुई, धवलागिरि एक, मकालु एक, ल्होत्से एक, गौरीशङ्कर एक, आमा दब्लङ्कम एकलगायत समूह आरोहणका लागि गएका छन् ।

आरोहणका लागि सम्पर्क अधिकृत पनि खटाइसकिएको विभागले जनाएको छ । छ हजार ५०० मिटरमाथिका हिमाल आरोहणमा सरकारले सम्पर्क अधिकृत खटाउने गरेको छ ।

आरोहीहरु हिमालतिर लागे पनि वैशाखको तेस्रो सातादेखिमात्र आरोहण सुरु हुने जनाइएको छ । कतिपय आरोहण समूह अझै केही दिनसम्म आउनेछन् ।

अघिल्लो वर्षको वसन्त ऋतुको आरोहण वैशाख २९ गतेबाट सुरु भएको थियो । सगरमाथाको मात्र अघिल्लो वर्ष ४०० बढीले सफल आरोहण गरेका थिए ।

अघिल्लो मौसममा सगरमाथासहितको हिमाल आरोहणका लागि ९७ समूहका एक हजार ४६२ आरोही गएका थिए तीमध्ये सगरमाथामा मात्र ३४ वटा आरोहण समूह भएको विभागले जनाएको छ । रासस

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter