भोली नयाँ संशोधन दर्ता गर्ने सरकारको निर्णय
काठमाडौं, २८ चैत । सोमबार (आज) बसेको मन्त्रीपरिषद् बैठकले पूरानो संविधान संशोधन फिर्ता लिने र नयाँ संशोधन संसदमा दर्ता गर्ने निर्णय गरेको छ । सरकारले भोली नयाँ संशोधन प्रस्ताव दर्ता गर्ने भएको छ ।
सरकारले भाषा, नागरिकता र राष्ट्रिय सभा सम्वन्धी पुरानै प्रस्ताव अघि बढाइएको छ । राष्ट्रिय सभाको निर्वाचक मण्डलबाट स्थानीय तहका प्रमुख र उपप्रमुखलाई डिलिंक गर्ने र २७४ मा संशोधन गर्नेसहित नयमँ संशोधन भोलि नै संसदमा सचिवालयमा दर्ता गर्ने सरकारको निर्णय गरेको एक मन्त्रीले बताएका छन् ।
त्यस्तै बैठकले प्रदेश नम्बर ४ को सीमांकन हेरफेर गर्ने प्रस्तावसहितको संशोधन फिर्ता लिएको छ । एमालेसहितका दलको विरोधका बीच सरकारले अघि बढाएको यो विधेयक संसदको प्रक्रियामै थियो ।
साथै सीमांकनलाई आयोगबाट टुंगो लगाउने गरी नयाँ संशोधन अघि बढाउने निर्णय गरेको छ ।
त्यस्तै उपप्रधान तथा स्थानीय विकासमन्त्री कमल थापाको नेतृत्वमा सरकारले तीन दिनभि प्रदेश नम्बर २ र ५ मा स्थानीय तहको संख्या बढाउनु पर्ने नपर्नेबारे अध्ययन गर्न समिति गठन गरेको छ ।