मतदाताको गुनासो सुल्झाउँदै कल सेन्टर

call centreकाठमाडौँ, वैशाख २९ गते । भक्तपुरकी सरिता बुढाथोकी २०७० सालको निर्वाचनमा मतदान गरेको परिचयपत्रले आइतबार हुने निर्वाचनमा मतदान गर्न पाइन्छ कि पाइँदैन भनेर निर्वाचन आयोगले सञ्चालन गरेको कल सेन्टरमा सोधपुछ गर्नुभयो ।

उहाँको समस्यामा कल सेन्टरकी कम्प्युटर अपरेटर भावना बेल्वासले पुरानो परिचयपत्रबाट मतदान गर्न नपाइने भन्दै परिचयपत्र खुल्ने नागरिकता लिएर मतदानमा जान अनुरोध गर्नुभयो ।

काठमाडाँैकी नर्मदा बस्नेतले निर्वाचनको समयमा गाडी चल्छ कि चल्दैन भनेर कल सेन्टरमा सोध्नुभयो । यस्तै सरिता र नर्मदा जस्तै अहिले कल सेन्टरको १६६००१४४२२२ नं मा फोन गरी मतदाताले निर्वाचन सम्बन्धी जिज्ञासा राख्ने गरेका छन् ।

मतदाताले कल सेन्टरमा आफ्नो परिचयपत्र नभएको, मतदाता नामावलीमा नाम छुटेको, परिचयपत्र कहाँ पाइन्छ, मतदान गर्ने प्रक्रियालगायत समस्याबारे सोध्ने गरेका कल सेन्टरका संयोजक विशकसेन ढकालले बताउनुभयो । उहाँका अनुसार अहिले दैनिका करिब ३०० जनाले निर्वाचनसम्बन्धी जिज्ञासा राख्ने गरेका छन् ।

बिहान ८ बजेदेखि साँझ ८ बजेसम्म छजना अपरेटरले मतदाताले राखेका समस्याको जवाफ दिने गर्नुभएको छ । मतदाताका समस्याको समाधान अपरेटरले तुरुन्त गर्न नसकेको अवस्थामा मतदातालाई फोनमार्फत जवाफ दिने गर्ने गरेका संयोजक ढकालले बताउनुभयो । उहाँका अनुसार सबभन्दा बढी मतदान गर्ने प्रक्रिया र मतदाता नामावलीका सम्बन्धमा मतदाताले जिज्ञासा राख्ने गरेका छन् ।

वैशाख १५ गतेबाट सञ्चालन भएको कल सेन्टरमा अहिलेसम्म करिब दुई हजार ४०० भन्दा बढी व्यक्तिले निर्वाचनसम्बन्धी जिज्ञासा राखेका छन् । ढकालले कल सेन्टर सुरु भएको एक हप्तासम्म निर्वाचन हुन्छ कि हुँदैन भनेर बढी सोध्ने गरेका बताउनुभयो ।

पछिल्ला केही दिनमा निर्वाचन आचारसंहिता उल्लङ्घन भएको, सवारी साधनको पास पाइन्छ कि पाइँदैन भनेर फोन आउन थालेका छन् । “निर्वाचन उल्लङ्घन गरेका कुरा कल सेन्टरमा आउने गरेका छन्”, उहाँले भन्नुभयो – “सेन्टरले यस्ता कुरालाई आयोगको आचारसंहिता समितिमा लेखेर पठाउने गरेको छ ।”

अहिलेसम्म सर्वसाधारणले कल सेन्टरमा मतदाता शिक्षा ६३६, मतदाता नामावली ६५९, निर्वाचन प्रक्रिया ८४, आचारसंहिताका ६२, वेबसाइटका १८, सुरक्षासम्बन्धी पाँच र अन्य ३७७ वटा समस्याका राखेको ढकालले बताउनुभयो । आयोगले असार ३ गतेसम्म कल सेन्टर सञ्चालन जनाएको छ । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi