लोकप्रिय किबी फल बाग्लुङका विभिन्न ठाउँमा विस्तार

Kiwi-Farmingबाग्लुङ, जेठ १७ गते । फलको राजाको रुपमा लिइने किबीको बाग्लुङका विभिन्न ठाउँमा विस्तार हुन थालेको छ ।

पूर्वका विभिन्न जिल्लामा व्यावसायिक रुपमा किबी खेती गरिँदै आएकोमा केही वर्षयता पश्चिमी पहाडमा पनि गर्न थालिएको हो । किबीको माग देश विदेशमा बढ्न थालेपछि पश्चिमी पहाडमा किबीको खेती विस्तार हुँदै गएको जिल्ला कृषि विकास कार्यालय बाग्लुङले जनाएको छ । कृषि विकास कार्यालय बाग्लुङका अनुसार धौलागिरीका बाग्लुङ, पर्वत म्याग्दी लगायत पश्चिमका धेरै जिल्लामा यसको व्यावसायिक खेती गर्न थालिएको छ ।

बाग्लुङमा सबैभन्दा पहिले मेहरसिंह पाइजाले २०५७ सालमा इलामबाट ल्याएर रोप्नुभएको थियो । रोपेको सात वर्षपछि फल दिन थालेपछि त्यसको व्यावसायिक रुपमा खेतीको सोधखोजको सुरु भएको थियो । हाल बडिगाड गाउँपालिकाको अध्यक्षमा निर्वाचित बन्नुभएका पाइजाले आफूले बडिगाड गाउँपालिका क्षेत्रलाई किबी खेतीको पकेट क्षेत्रका रूपमा विकास गर्ने सोच बनाएको बताउनुभयो ।

विश्व बजारमा किबीको माग अत्यधिक भएकाले आफूले पनि व्यावसायिक खेती गर्न थालिएको बाग्लुङ बुर्तिवाङका किसान राजेन्द्र पुनको भनाइ छ । दुई वर्षअघि जिल्ला कृषि विकास कार्यालय बाग्लुङबाट ल्याएर रोपेका बिरुवामा फल्न थालेपछि आफू व्यावसायिक किबीको खेती गर्न लागेको उहाँले बताउनुभयो । उहाँको बारीमा अहिले १७५ वटा बिरुवा हुर्किरहेका छन् । परीक्षणकै लागि लगाइएको एउटा बोटबाट ५०–६० केजी किबी फलेपछि अन्य किसान पनि आकर्षित बनेका छन् ।

यतिबेला बाग्लुङका बुर्तिवाङ, ग्वालीचौर, भकुण्डे, तित्याङ लगायतका गाउँमा किबी खेती गर्न थालिएको छ । किबी खेती विस्तारका जिल्ला कृषि विकास कार्यालय बाग्लुङले बर्सेनि आठ सयदेखि एक हजार बिरुवा अनुदानमा बिक्री गर्दै आइरहेको छ । पहाडी भू–भागको एक हजार पाँच सय मिटरदेखि दुई हजार मिटरम्मको उचाईमा राम्रो हुने किबी माघ महिनामा रोपिने जिल्ला कृषि विकास कार्यालय बाग्लुङका कृषि प्रसार अधिकृत विप्लभ अधिकारीले बताउनुभयो ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi