म्याग्दीको बास्कुनामा अन्तर्राष्ट्रियस्तरको सुन्तला बगैँचा

Orangesम्याग्दी, जेठ २७ गते । म्याग्दी बेनी नगरपालिका– ४ बास्कुनावासीले धानखेती छोडेर सुन्ताला खेतीतर्फ आकर्षित भएका छन् ।

धानरोप्ने खेतमा सुन्तालाको नयाँ बिरुवा विस्तार गरेका बास्कुनावासीले अहिले मकैभित्र पनि सुन्तालाको नयाँ बिरुवा बिस्तारसँगै बगँैचा व्यवस्थापन र नयाँ बिरुवाको रेखदेखमा जुटिरहेका छन् ।

न्यूजिल्यान्डमा रहेका बास्कुनाका लालबहादुर केसीले अन्तर्राष्ट्रियस्तरको बगँैचा व्यवस्थापन र काठमाडौँका व्यापारीलाईसमेत सुन्तलाबारीमै पुग्ने वातावरण बनाउन स्थानीयवासीलाई तालिम र प्रविधि उपलव्ध गराएपछि बास्कुनालाई अन्तर्राष्ट्रियस्तरको सुन्तला बगैँचा बनाउने पहल सुरु भएको छ ।

सुन्ताला खेतीका लागि जिल्लामा नै चर्चा कमाएका बास्कुनाका लालबहादुर केसी, शेरबहादुर केसी, याम केसी, दीपेन्द्र गुरूङ, देउबहादुर हुमेन, तिलक गुरूङलगायतले उच्चस्तरको आधुनिक प्रविधियुक्त सुन्ताला बगैँचा बचाउन सुरु गरेका छन् । उनीहरुले सुन्तालाका दाना टिप्ने, गोडमेल गर्ने, औषधि उपचार गर्ने र रोगकीराबाट नियन्त्रण गर्ने प्रविधिको प्रयोग गर्न थालेपछि बास्कुना पूर्ण अग्र्यानिक सुन्ताला बगैँचा बनेको छ ।

धान खेतीलाई छोडेर सुन्तलाखेती सुरू गरेपछि गाउँका अरुले समेत त्यसको सिको गरेका हुन् । २२ घरधुरीको बसोवास रहेको बास्कुनाका १९ घरधुरीले करिब साढे दुई सय रोपनीमा अन्नबाली छोडेर सुन्तलाखेती गरेका छन् । कृषि विकास कार्यालयको प्राविधिक सहयोगमा गाउँमा हरेक वर्ष कृषकले खेतबारीमा सुन्ताला नयाँ बिरुवा विस्तार गरिरहेका छन् ।

२०६४ सालमा न्यूजिल्यान्डमा कृषिखेती गरेका लालबहादुर केसीको प्रयासमा सुरू भएको सुन्तलाखेतीमा सिङ्गो गाउँनै आकर्षित भएपछि जिल्ला कृषि विकास कार्यालयले बास्कुनालाई सुन्तलाको नमुना गाउँ घोषित गरेको छ ।

गाउँलाई फ्रुट–मिल्क भिलेज घोषणाको तयारीमा जुटेका बास्कुनावासीले दैनिक करिब एक सय लिटर दूधसमेत सदरमुकाम बेनीबजारमा ल्याउने गरेका छन् । यसवर्ष नयाँ बोटबाट समेत पहिलोपटक फल दिने तयारीमा रहेका सुन्तालाको बोटबाट करिब ४० लाखभन्दा बढीको सुन्तला बिक्री हुने अनुमान गरिएको छ ।

कृषि विकास कार्यालयसँगै विभिन्न सेवाप्रदायक संस्थाबाट अपनाइएको आधुनिक प्रविधिको प्रयोग गरेर सुन्तलाको बगैँचा व्यवस्थापन, बिरुवा रोप्ने तरिका, तालिम, स्वादिलो फलका लागि अपनाउनुपर्ने प्रक्रियाका बारेमासमेत अन्तर्राष्ट्रिय प्रविधिको प्रयोग गरिरहेका बास्कुनावासीले सुन्तलासँगै तरकारीखेती समेत गरिरहेका छन् ।

गाउँमा एकजना कृषकले न्युनतम ५० देखि ७०० सम्म सुन्तालाको बिरुवा रोपेका छन् । बास्कुनामा बोटबाटै ‘ए’ र ‘बि’ ग्रेडको सुन्तला जिल्ला बाहिर जाने गरेका छन् भने बेनी तथा आसपासका बजारमा समेत सुन्तलाखपत हुने गरेको छ । बास्कुनबाट सुन्तलासँगै दैनिक दूधसमेत निर्यात हुने गरेको छ । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Clean Nepal is possible as over 23 million people are willing to contribute: Khem Sharma

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Pratibedan Baidya