उपत्यकामा दिउँसो मालबाहक ट्रक चलाउन नपाइने

Traffic Movementकाठमाडौँ, साउन २७ गते । आगामी भदौ १ गतेदेखि काठमाडौँ उपत्यकाको चक्रपथमा मालबाहक सवारीसाधन चलाउन नपाइने भएको छ । यातायात व्यवस्था विभाग र ट्राफिक प्रहरी महाशाखा मालबाहक सवारीसाधनलाई बिहान ८ बजेदेखि बेलुका ७ बजेसम्म सञ्चालनमा रोक लगाउने अन्तिम तयारीमा जुटेको छ ।

सहज ट्राफिक व्यवस्थापन, सहज आवागमन र सडक दुर्घटनामा न्यूनीकरण गर्न रोक लगाउनुपरेको विभागले जनाएको छ । व्यवसायीसँग शुक्रबार छलपल गरी सो निर्णय गरिने भएको छ । खानेपानी तथा पेट्रोलियम पदार्थ ढुवानी गर्ने बाहेक ट्रक, ट्रिपर र मिनी ट्रकलाई रोक लगाइने भएको छ । वातावरणीय प्रदूषणलाई पनि ध्यानमा राखेर यस्तो निर्णय गर्न लागिएको ट्राफिक प्रहरी महाशाखाले जनाएको छ ।

रोक लगाइएको मालबाहक सवारीलाई उपत्यका छिर्ने नाकामा पार्किङको व्यवस्था गरिएको छ । पृथ्वी राजमार्ग भएर उपत्यका छिर्ने मालबाहक सवारीलाई नौबीसेमा पार्किङको व्यवस्था गरिने छ । बीपी र अरनिको राजमार्ग भएर आउने मालबाहक सवारीलाई बनेपामा र दक्षिणकाली भएर आउनेलाई चोभारमा पार्किङको व्यवस्था गरिने विभागले जनाएको छ । त्यस्तै नुवाकोट हुँदै आउने मालबाहक सवारीलाई झोर महाङ्कालमा पार्किङको व्यवस्था गरिने छ ।

भदौ १ गतेबाट तोकिएका मालबाहक सवारीसाधन चक्रपथमा सञ्चालन गरिएको पाइएमा यातायात व्यवस्था अनुसार पाँच हजार रुपियाँसम्म जरिवाना गरिने विभागका प्रवक्ता डा. टोकराज पाण्डेले बताउनुभयो ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi