बाढीले बगाउँदा करिब रु ५० करोड मूल्य बराबरको क्षति

Koshi Floodवीरगञ्ज, भदौ ३ गते । बारामा सञ्चालित माछा सुपरजोनमा बाढीले बगाउँदा करिब रु ५० करोड मूल्य बराबरको क्षति भएको छ ।

प्रधानमन्त्री कृषि आधुनिकीकरण परियोजनाअन्तर्गत सञ्चालित माछा सुपरजोनमा करिब सात सय मेट्रिकटन माछा बगाएर सो मूल्य बराबरको क्षति भएको हो ।

प्रधानमन्त्री कृषि आधुनिकीकरण परियोजना, इकाइ ( माछा सुपरजोन) सिम्रोनगढ बाराकाअनुसार केही दिन अघिको अविरल वर्षाका कारण आएको बाढीले करिब सात सय हेक्टर क्षेत्रफलमा रहेको माछा पोखरी भत्काउँदा उक्त क्षति भएको परियोजना प्रमुख युगलकिशोर तिवारीले बताउनुभयो ।

माछासुपरजोन कार्यक्रमअन्तर्गत बाराको सिम्रौनगढ नगरपालिका, कचोर्वा, भगवानपुर, विलोनी, पेतपारी गाउँमा एक हजार हेक्टर क्षेत्रफलमा माछा पोखरी खन्ने कामसमेत बाढीले प्रभावित पारेको छ ।

सरकारले सात प्रदेशमा सात वटा सुपरजोन कार्यक्रम लागू गरेअनुरुप बारामा पनि माछा सुपरजोन कार्यक्रम लागू भएको हो । माछा खेतीका लागि बारा जिल्ला उर्वरभूमी भएकाले केही दिनयता आएको वर्षा र बाढीका कारण किसानले व्यावसायिक रुपमा गरेको माछाखेतीमा क्षति पु¥याएको र यसबाट करिब रु ३२ करोड ५० लाख मूल्य बराबरको माछा क्षति भएको दावी किसानको छ ।

यसैगरी बाराको कोल्हवी नगरपालिकाअन्तर्गत रहेको पोखरीमा बाढीको पानी पस्दा दुई हजार ५०० मेट्रिकटन माछा बगाउँदा करिब रु ५० करोड बराबरको क्षति भएको छ ।

यसैगरी बाढीले माछा ह्याचरी बगाउँदा रु ५० करोड र फिगर साइजको माछा बगाउँदा रु ३० करोड बराबरको क्षति भएको जिल्ला कृषि विकास कार्यालय बाराले जनाएको छ ।

बाढीबाट व्यापक मात्रामा माछा बगाएर क्षति पु¥याएकाले पीडितलाई सरकारले उचित क्षतिपूर्ति दिनुपर्ने माग किसानको छ । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi