मतदाता नामावलीमा ३९ हजार थप

Electionपोखरा, भदौ ६ गते । क्षेत्रीय निर्वाचन कार्यालय पोखराले गत साउन १ देखि भदौ ३ गतेसम्म सञ्चालन गरेको तस्बिरसहितको मतदाता नामावलीमा ३९ हजार ४०१ जनाले नाम दर्ता गराएका छन् ।

आगामी मंसिर १० गते हुने प्रदेश र प्रतिनिधिसभा निर्वाचनलाई ध्यानमा राखी सञ्चालन गरिएको सो मतदाता नामावली थप अभियानमा २० हजार ३५९ महिला र १९ हजार ४२ पुरुषले नाम दर्ता गराएको क्षेत्रीय निर्वाचन अधिकारी गंगालाल सुवेदीले बताउनुभयो ।

पोखरा लेखनाथ महानगरपालिकाका ३३ वटा वडामा १३ हजार १०० महिला र ११ हजार १५५ पुरुष, अन्नपूर्णमा दुई हजार ३७२, माछापुच्छ«ेमा एक हजार ८६०, मादीमा दुई हजार ६३८ र रुपामा एक हजार १५० जनाले नाम दर्ता गराएका छन् ।

मुलुकका ७३ जिल्लाबाट पोखरामा आई विभिन्न पेशा र व्यवसाय गरेका सात हजार १२६ जनाले पनि नाम दर्ता गराएका छन् । अन्य जिल्लाका तीन हजार ३७७ महिला र तीन हजार ७४९ पुरुषको नामावली सम्बन्धित जिल्लाको मतदाता नामावलीमा समावेश गर्ने गरी पठाइने क्षेत्रीय निर्वाचन कार्यालय पोखराले जनाएको छ । अन्य जिल्लामध्ये सबैभन्दा बढी स्याङ्जाका एक हजार ८३९, पर्वतका ८८९, धादिङका ६१९, लमजुङका ५१७ र तनहुँका ४३९ जनाले नाम दर्ता गराएको बताइएको छ ।

गत असार महिनासम्म कास्कीको मतदाता संख्या दुई लाख २४ हजार ८११ थियो । मृत्यु भएका, ठाउँ सार्न चाहेका, दुई ठाउँमा नामावली भएका र त्रुटि सच्याई जिल्लाको एकीकृत नामावली निकाल्ने काम भइरहेको छ । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi