हिन्दू राष्ट्रको माग गर्दै पशुपतिमा पूजा; नेपालमा बद्रीनाथ दर्शन गर्न पाइने

Pashupati Templeकाठमाडौँ, कात्तिक २७ गते । एकीकृत राष्ट्रिय प्रजातन्त्र पार्टी (राष्ट्रवादी) ले मुलुकमा हिन्दू राष्ट्रको माग गर्दै पशुपतिनाथको मन्दिरमा विशेष पूजा गरेको छ ।

आज पार्टी अध्यक्ष डा प्रकाशचन्द्र लोहनीले मन्दिर परिसरमा पूजा शुभारम्भ गर्दै मुलुकमा पाँच हजार वर्ष पुरानो हिन्दू सभ्यता र संस्कृतिको अभ्यासलाई निरन्तरता दिन हिन्दू राष्ट्र कायम गर्नुपर्नेमा उहाँले जोड दिनुभयो ।

अध्यक्ष लोहनीले देशमा बढ्दै गएको वैदेशिक हस्तक्षेपलाई न्यूनीकरण गर्नुपर्नेमा जोड दिँदै राष्ट्रिय चरित्र भएका संस्था र राष्ट्रवादी दलकाबीच समन्वय गरी मुलुकको राष्ट्रियता बलियो बनाउने र जनतालाई आर्थिक समृद्धितर्फ उन्मुख गराउने उद्देश्यले आफ्नो पार्टीले विभिन्न कार्यक्रम सञ्चालन गरेको जानकारी गराउनुभयो ।
पूजामा पार्टीका पदाधिकारी, नेता तथा कार्यकर्ताको सहभागिता थियो ।

नेपालमा बद्रीनाथ दर्शन गर्न पाइने

बद्रीनाथको दर्शन अब नेपालमै गर्न सकिने भएको छ । वर्षेनी हजारौँ नेपाली बद्रीनाथ दर्शनका लागि ज्यानै जोखिममा राखेर भारत जाने गर्छन् । करोडौँको रकम भारत जाने गरेको छ ।

काठमाडाँैको नार्गाजुन नगरपालिका–६ स्थित रामकोटमा नारायण पोखरेल प्रतिष्ठानले बद्रीनाथको मन्दिर बनाउन लागेको हो । त्यसका लागि सरकारले प्रतिष्ठानलाई २३ रोपनी जग्गा दिएको छ । ९९ वर्षसम्म भोगचलन गर्न सकिने गरी बद्रीधाम निर्माणका लागि सरकारले रु ६ करोड पनि दिएको छ ।

प्रतिष्ठानका अनुसार श्रीमद्भागवत र सप्ताहबाट पनि रु ६ करोड उठेको छ तर धाम निर्माणका लागि यति मात्र बजेट पर्याप्त छैन ।

प्रतिष्ठानका संरक्षक अध्यक्ष दीनबन्धु पोखरेलले नेपालमै बद्रीधाम भएमा भारत जान नसक्ने तर दर्शन गर्न चाहने भक्तका लागि सजिलो हुने बताउनुभयो । उहाँले भन्नुभयो, “धाम निर्माण भएपछि नेपालको धर्मसंस्कृत विश्वभर फैलाउन, हाम्रो आफ्नै विचारलाई संसारसामु स्थापित गर्न हामीले काम गर्नेछौँ, नेपाललाई साधना भूमिका रुपमा चिनाउनुपर्छ, हाम्रो धर्म संस्कृति विश्वमा अनुपम छ ।”

प्रतिष्ठानका महासचिव डा विष्णु खनालले बद्रीधाम निर्माणका लागि जग राख्ने काम भइसकेको , अब मन्दिर निर्माण गर्दै बद्रीनाथको मूर्ति राख्ने र पूजा शुरु गर्ने लक्ष्य लिइएको बताउनुभयो ।

धार्मिक पुराणबाट जनतालाई विकास निर्माण, शिक्षा, स्वास्थ्य लगायतका क्षेत्रमा काम गर्ने थालनी पं नारायण पोखरेलले गर्नुभएको थियो । हाल प्रतिष्ठानका संरक्षक अध्यक्ष उहाँका सुपुत्र पुराणवाचक दीनबन्धु पोखरेल हुनुहुन्छ ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Clean Nepal is possible as over 23 million people are willing to contribute: Khem Sharma

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Pratibedan Baidya