मतदान अधिकृतलाई प्रशिक्षण; सुरक्षा निकायसँग छलफल
बैतडी, मंसिर ३ गते । मंसिर १० गते हुने प्रतिनिधिसभा र प्रदेशसभा चुनावमा खटिने मतदान अधिकृत र सहायक मतदान अधिकृतका लागि बैतडीमा शुक्रबारदेखि प्रशिक्षण शुरु भएको छ । जिल्लामा दुई चरणमा मतदान अधिकृत र सहायक मतदान अधिकृतलाई प्रशिक्षण दिइने भएको छ ।
मतदान केन्द्रमा गर्नुपर्ने काम, मतदातासँग गर्नुपर्ने व्यवहार, मतदान केन्द्रमा खटिएपछि गर्न नहुने कामका बारेमा जानकारी दिनका लागि सदरमुकाममा प्रशिक्षण शुरु गरिएको जिल्ला निर्वाचन अधिकारी माधव फुयालले जानकारी दिनुभयोे ।
पहिलो चरणको कार्यक्रममा मतदान अधिकृत र सहायक मतदान अधिकृत गरी १९० जना सहभागी भएका छन् । जिल्लामा रहेका विभिन्न सरकारी कार्यालयका विभिन्न पदका कर्मचारी छनोट गरेर प्रशिक्षण दिन लागिएको जिल्ला निर्वाचन कार्यालय बैतडीले जनाएको छ ।
यही मंसिर १० गते पहिलो चरणमा हुने चुनावका लागि एक हजार ४५० जना कर्मचरी खटाइने मुख्य निर्वाचनअधिकृतको कार्यालयले जनाएको छ । कर्मचारीको नामावली तयार पारिसकेको र मंसिर ५ गतेबाट मतदान केन्द्रमा कर्मचारी परिचालन गरिने बताइएको छ । बैतडीमा १८२ जना मतदान अधिकृत र १८२ जना सहायक मतदान अधिकृत निर्वाचनमा खटिने भएका छन् । एक लाख ३२ हजार ३१९ मतदाता रहेको बैतडीमा १२० मतदानस्थल रहेका छन् ।
सुरक्षा निकायसँग छलफल
निर्वाचन आयुक्त नरेन्द्र दाहालले आज सुनसरीको सुरक्षा निकाय र निर्वाचन अधिकृतसँग छलफल गर्नुभएको छ ।
निर्वाचनलाई स्वच्छ निष्पक्ष र धाँधलीरहित वातावरणमा सम्पन्न गर्नका लागि उहाँले छलफल गर्नुभएको हो । उहाँले आज चारवटै निर्वाचन क्षेत्रका निर्वाचन अधिकृत, सुरक्षा निकायका प्रमुख, स्थानीय विकास अधिकारी, जिल्ला शिक्षा अधिकारीसहितका प्रमुख तथा प्रतिनिधिसँग छलफल गर्नुभएको हो ।
निर्वाचन आयुक्त दाहालले छलफलका क्रममा निर्वाचन शान्तिपूर्ण वातावरणमा सम्पन्न गर्नका लागि सबैलाई आ–आफ्नो ठाउँबाट पहल गर्न निर्देशन दिनुभयो । उहाँले अचारसंहिताको पूर्ण पालना गर्न गराउन र मतदानमा सबैलाई सहभागी हुने वातावरण सिर्जना गर्नसमेत निर्देशन दिनुभयो ।
आयुक्त दाहाललाई जिल्लाको अवस्थाका बारेमा जानकारी गराउँदै सरकारी अधिकारीले शान्तिपूर्णरुपमा निर्वाचन सम्पन्न गराउन तत्पर रहेको विश्वाससमेत दिलाउनुभएको थियो । छलफलमा निर्वाचन अधिकृत, स्थानीय विकास अधिकारी तुलसीबहादुर श्रेष्ठ, जिल्ला शिक्षा अधिकारी खगेन्द्र सुवेदी, निर्वाचन अधिकारी भक्तबहादुर भट्टराई, प्रहरी नायब उपरीक्षक नारायणप्रसाद चिमरिया लगायतको उपस्थिति रहेको थियो ।
निर्वाचन आयुक्त नरेन्द्र दाहालले आज सुनसरीको सुरक्षा निकाय र निर्वाचन अधिकृतसँग छलफल गर्नुभएको छ ।
निर्वाचनलाई स्वच्छ निष्पक्ष र धाँधलीरहित वातावरणमा सम्पन्न गर्नका लागि उहाँले छलफल गर्नुभएको हो । उहाँले आज चारवटै निर्वाचन क्षेत्रका निर्वाचन अधिकृत, सुरक्षा निकायका प्रमुख, स्थानीय विकास अधिकारी, जिल्ला शिक्षा अधिकारीसहितका प्रमुख तथा प्रतिनिधिसँग छलफल गर्नुभएको हो ।
निर्वाचन आयुक्त दाहालले छलफलका क्रममा निर्वाचन शान्तिपूर्ण वातावरणमा सम्पन्न गर्नका लागि सबैलाई आ–आफ्नो ठाउँबाट पहल गर्न निर्देशन दिनुभयो । उहाँले अचारसंहिताको पूर्ण पालना गर्न गराउन र मतदानमा सबैलाई सहभागी हुने वातावरण सिर्जना गर्नसमेत निर्देशन दिनुभयो ।
आयुक्त दाहाललाई जिल्लाको अवस्थाका बारेमा जानकारी गराउँदै सरकारी अधिकारीले शान्तिपूर्णरुपमा निर्वाचन सम्पन्न गराउन तत्पर रहेको विश्वाससमेत दिलाउनुभएको थियो । छलफलमा निर्वाचन अधिकृत, स्थानीय विकास अधिकारी तुलसीबहादुर श्रेष्ठ, जिल्ला शिक्षा अधिकारी खगेन्द्र सुवेदी, निर्वाचन अधिकारी भक्तबहादुर भट्टराई, प्रहरी नायब उपरीक्षक नारायणप्रसाद चिमरिया लगायतको उपस्थिति रहेको थियो ।