वयलगाडाको पाराले वायुपंखे नारा सार्थक हुंदैन: कांग्रेस प्रवक्ता
दाङ, जेठ १९ । नेपाली कांग्रेसका प्रवक्ता एवं युवा नेता विश्व प्रकाश शर्माले वर्तमान सरकारले ल्याएको बजेट यथार्थपरक भन्दा पनि बढि महत्वाकांक्षी भएको बताए । प्रेस युनियन दाङले शनिवार तुलसीपुरमा आयोजना गरेको पत्रकार सम्मेलनमा बोल्दै प्रवक्ता शर्माले वर्तमान सरकारले ल्याएको बजेटले निजी क्षेत्रलाई समेट्न नसकेको बताए । ‘वर्तमान सरकारको अवस्था वायुपंखि घोडाको नारा, वयलगाडाको पारा जस्तै छ’ प्रवक्ता शर्माले भने, ‘निजी क्षेत्रलाइ बजेटले समेट्न सकेको छैन । ’ साथै प्रवक्ता शर्माले वर्तमान सरकारले ल्याएको बजेटमा करको दर बढाइएको भन्दै दायरा नबढाएसम्म बजेटको लक्ष पुरा हुन कठिन भएको पनि बताए ।
‘करको दर बढाउने होइन, यसले नागरीकलाइ व्ययभार थप्छ, त्यसैले दर भन्दा दायरा बढाउनु उपयुक्त हुने थियो, शर्माले भने ।
त्यसै अवसरमा प्रवक्ता शर्माले अहिले वामपन्थीहरुको दुइतिहाइ वहुमतको सरकार गठन भएकाले कांग्रेसले सरकारका सकारात्मक कामको समर्थन गर्ने र सरकारको कमजोरी औल्याएर सहयोग गर्ने भद्र प्रतिपक्षीको भुमिका निर्वाह गर्ने रणनिति अपनाएको पनि बताए । कांग्रेस लगातार नहार्ने र लगातार नजित्ने पार्टी भएको भन्दै पार्टीमा देखिएको गुटवन्दी र वामपन्थी एकताका कारण कांग्रेसले निर्वाचनमा पराजय भोगेको बताउंदै बताए ।
‘कांग्रेसले नेतृत्व गरेको सरकारलाइ जति चुनौतिहरु थिए, अहिले ओलि नेतृत्वको सरकारलाइ छैन, यो अवस्थामा पनि वर्तमान सरकारले आर्थिक बृद्धिदरलाइ ८ अंकमा पु¥याउन सकेन भने, त्यो सवैभन्दा दुर्भाग्य हुने छ’—नेता शर्माले बताए ।