प्रधानमन्त्रीको शल्यक्रिया सफल; प्रम ओली तथा मिर्गौलादाता समीक्षा दुबैको अवस्था सामान्य

काठमाडौं, फागुन २१ गते । प्रधानमन्त्री केपी शर्मा ओलीको स्वास्थ्य अवस्था समान्य रहेको र उहाँलाई प्रत्यारोपण उपचार कक्षमा राखेर उपचारलाई निरन्तरता दिइने भएको छ ।

प्रधानमन्त्री ओलीको मिर्गौलाको प्रत्यारोपण सफल भए पछि त्रिवि शिक्षण अस्पतालले जारी गरेको विज्ञप्तिमा सो कुरा उल्लेख छ ।

विज्ञप्तिमा उहाँको स्वास्थ्य अवस्था स्थिर रहेकाे सबै सूचकाङ्कहरू राम्रो अवस्थामा रहेको समेत उल्लेख गरिएको छ । साथै प्रधानमन्त्रीलाई मिर्गौला दान गर्ने उहाँकी भाञ्जी समीक्षा संग्रौलाको स्वास्थ्य अवस्था पनि सामान्य रहेको जनाइएको छ ।

प्रधानमन्त्रीको प्रत्यारोपणको शल्य चिकित्सा टोलीमा प्रा.डा.उत्तमकुमार शर्मा, प्रा.डा. प्रेम ज्ञवाली प्रा.डा.अनन्तकुमार लगायतका टोलीको सहभागिता रहेको जनाइएको छ ।
त्यस्तै मिर्गौला प्रत्यारोपण टोलीमा प्रा.डा.दिव्या सिंह शाह, डा.महेश सिक्देल, डा. मुकुन्द काफ्ले र डा. रविन नेपाली लगायतको टोली संलग्न रहेको विज्ञप्तिमा जनाइएको छ ।
त्यस्तै एनेस्थेसिया तथा क्रिटिकल केयरतर्फ डा.अनिल श्रेष्ठ, र प्रा.डा. सुवास आचार्य लगायतको टोलीको सहभागिता रहेको थियो ।

प्रधानमन्त्रीको शल्यक्रिया सफल

प्रधानमन्त्री केपी शर्मा ओलीको मिर्गौला प्रत्यारोपण सफलतापूर्वक प्रत्यारोपण गरिएको उपचारमा संम्लग्न प्रा.डा.प्रेमराज ज्ञवालीले बताउनुभएको छ ।

प्रा.डा.ज्ञवालीकै नेतृत्वमा प्रधानमन्त्री दोस्रो पटक मिर्गाैला प्रत्यारोण गरिएको थियो ।
त्रिवि शिक्षण अस्पतालमा बुधबार बिहान १० बजेबाट प्रधानमन्त्री ओलीलाई शल्यक्रिया कक्षमा लगिएको थियो । प्रधानमन्त्री ओलीको शल्यक्रियाको प्रकृया ३ बजे सकिएको थियो भने उहाँको नयाँ मिर्गाैलाले काम गर्न सुरु गरिसकेको प्रा.डा.ज्ञवालीले गोरखापत्र अनलाइनलाई बताउनुभयो ।

प्रधानमन्त्री ओलीको पहिलो पटक १२ बर्षअघि भारतमा मिर्गाैला प्रत्यारोपणमा संम्लग्न डा.अनन्त कुमार र मिर्गाैला रोग विशेषज्ञ बुधबार गरिएको प्रत्यारोपण शल्यक्रियामा संम्लग्न रहनु भएको थियो ।

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter