थप ४२५ सङ्क्रमित, कुल सङ्ख्या ५७६० पुग्याे, थप एककाे मृत्यु

काठमाडाैँ, जेठ ३२ गते । नेपालमा थप ४२५ जना सङ्क्रमित भएका छन् । पुरूष ३७५ र महिला ५० जना सङ्क्रमित भएका हुन् । योसँगै सङ्क्रमितको सङ्ख्या पाँच हजार ७६० पुगेको आइतबार आयोजित नियमित पत्रकार सम्मेलनमा स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले बताउनुभएको हो ।

६ जना डिस्चार्ज

आइतबार ६ जना डिस्चार्ज भएकाले हालसम्म ९७४ जना डिस्चार्ज भएका छन् ।

थप एककाे मृत्यु

क्वारेन्टाइनमै मृत्यु भएका गुल्मीका ३६ वर्षका एक पुरुषमा कोरोना भाइरस पुष्टि भएको छ । उहाँ भारतबाट नेपालमा आएर क्वारेन्टाइनमा बस्नुभएको थियाे । उहाँको मृत्युसँगै नेपालमा भाइरसका कारण मृत्यु हुनेको सङ्ख्या १९ पुगेको छ ।

७३ वटा जिल्लामा भाइरस फैलियाे

यस्तै, पूर्वी रुकुममा पनि भाइरसको सङ्क्रमण देखिएकाले नेपालमा ७३ वटा जिल्लामा भाइरस फैलिएको छ ।

निजी संस्थालाई पनि कोरोना परीक्षण गर्न दिइने

निजी संस्था (ल्याब) लाई पनि कोरोनाको परीक्षण गर्न दिइने भएको छ ।

कोरोना संक्रमण भए–नभएको परीक्षण गर्न निजी संस्थालाई पनि अनुमति दिने स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

यसरी परीक्षण गर्दा लाग्ने खर्च भने सरकारले व्यहाेर्ने जानकारी उनले दिए । परीक्षण गर्दा लागेको खर्च सरकारले ती निजी संस्थालाई उपलब्ध गराउने जानकारी प्रवक्ता डा. गौतमले दिए ।

अहिलेसम्म सरकारी निकायहरूले मात्र कोरोनाको परीक्षण गर्दै आएका छन् ।

Related News

Comments are closed

TOP NEWSview all

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th

US pledges $8.5 million to Nepal to fight against COVID-19 pandemic

NOC says there won’t be shortage of petroleum products despite prohibitory orders




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter