उपत्यकामा नाैसहित थप ४३४ सङ्क्रमित, कुल ११ हजार १६२

काठमाडौँ, असार ११ गते । कोरोना भाइरस (कोभिड–१९) सङ्क्रमितको संख्या बिहीबारसम्ममा एक हजार १४२ महिलासहित ११ हजार १६२ जना पुगेका छन् । वितेको २४ घण्टामा ४८ महिलासहित ४३४ जना नयाँ सङ्क्रमित थपिएका छन् । कोभिड–१९ सङक्रमणबाट थप दुई जनाको मृत्यु भएको छ । कोभिड–१९ सङ्क्रमणबाट मृतकको संख्या २६ पुगेको छ ।

स्वास्थ्य तथा जनसंख्या मन्त्रालयद्वारा बिहीबार आयोजित नियमित पत्रकार सम्मेलनमा सो जानकारी दिइएको हो । मन्त्रालयका प्रवक्ता प्रा.डा.जागेश्वर गौतमका अनुसार, वितेको २४ घण्टामा देशका विभिन्न २२ वटा प्रयोगशालामा छ हजार ५४३ जनाको पीसीआर परीक्षण गरिएको थियो । त्यस्तै, आरडिटी विधिबाट चार हजार १६७ जनाको परीक्षण गरिएको थियो । आइसोलेसनमा रहेर कोभिड–१९ को उपचार गराइरहेका महिला १९ सहित ३१२ जना बिहीबार डिस्चार्ज भएका छन् । अहिलेसम्म दुई हजार ६५० जम्मा डिस्चार्ज भइसकेका छन् ।

प्रवक्ता प्रा.डा.गौतमका अनुसार, हालसम्म मुलुकभरका क्वारेन्टाइनमा ७४ हजार २२ जना र आइसोलेसनमा आठ हजार ४८६ जना रहेका छन् । दुईवटा कलसेन्टरबाट बिहीबार ९७४ कल प्राप्त गरेको र बिहीबार वेभसाइटमार्फत् १६६ जनाले लक्षणसहितको केस दर्ता गरेको जनाइएको छ । ‘हाम्रो स्वास्थ्य’ एप मार्फत् समेत लक्षण गर्दा गराउने सुविधा प्राप्त छ । यसरी दर्ता गरिएका केसमा बिहीबार ५०९ जना रेडजोनमा परेका छन् । त्यसमध्ये एक जना काठमाडौँका रहेका छन् । वाग्मती प्रदेशको रसुवावाहेक ७६ जिल्लामा कोरोना भाइरस सङ्क्रमित पाइएको छ ।

दुई जनाको मृत्यु

कोभिड–१९ सङ्क्रमणबाट बिहीबार दुईजनाको मृत्यु भएको छ । कोभिड–१९ बाट मृत्यु हुनेको संख्या २६ पुगेको छ । प्रवक्ता प्रा.डा. गौतमका अनुसार, स्याङ्जा जिल्ला आँधीखोला गाउँपालिका १ का ५८ वर्षीय पुरुषको पोखरा स्वास्थ्य विज्ञान प्रतिष्ठानमा बुधबार राति ११ः३५ बजे मृत्यु भएको थियो । मधुमेह र स्वासप्रश्वासका विरामी समेत भएका निज पुरुषलाई अप्ठेरो महसुस भएपछि केही दिनअघि फेवा सिटी अस्पतालमा भर्ना भएको थियो । विरामीमा कोभिड–१९ सङ्क्रमण पोजेटिभ भएको पाइएपछि असार ८ गते पोखरा स्वास्थ्य विज्ञान प्रतिष्ठानमा भर्ना गरी भेन्टिलेटरमा राखेर उपचार गरिएको थियो ।

यस्तै, ललितपुर जिल्ला महालक्ष्मी नगरपालिका ५ का पुरुषको पाँच महिना अघि मिर्गौला प्रत्यारोपण गरिएको थियो । एक्कासी कोखा दुःखेपछि मानव अंग प्रत्यारोपण केन्द्रमामा पुर्याइएका निजलाई नर्भिक अस्पतालमा भर्ना गरी उपचार थालिएको थियो । विरामीमा कोभिड–१९ पोजेटिन पाइएपछि पाटन अस्पतालमा पठाइएको थियो । आइसीयूमा उपचारकै क्रममा असार ११ गते विहान ५ बजे निधन भएको जनाइएको छ ।

प्रवक्ता प्रा.डा.गौतमले कोरोना भाइरस महामारीका कारण उत्पन्न अवस्थाले युवा पुस्तामा मानसिक समस्या देखिएकाले त्यसको निरुपणका लागि ध्यान दिन अभिभावकसँग आग्रह गर्नुभएको छ ।

उहाँले कोभिड–१९ सङ्क्रमणपछि बन्दाबन्दी र त्यसपछिका दिनमा मृत्युदर बढेको चर्चा गर्दै युवा पुस्तामा देखिएको एन्जाइटी र डिप्रेसनको कारण खोजी गर्दै कुरा सुन्ने र समाधान गर्नेतिर ध्यान दिन अनुरोध गर्नुभयो ।

उहाँले इन्जाइटी र डिप्रेसन भएका व्यक्तिले आत्महत्या गर्ने भएकाले त्यस्ता व्यक्तिले आफ्ना कुरा भन्न पाउने र सुनिदिने व्यवस्था गर्नुपर्ने सुझाव दिनुभयो ।

Related News

Comments are closed

TOP NEWSview all

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th

US pledges $8.5 million to Nepal to fight against COVID-19 pandemic

NOC says there won’t be shortage of petroleum products despite prohibitory orders

SC bars CIAA from conducting Sting Operations




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter