उपत्यकामा २८ सहित थप २०४ सङ्क्रमित, कुल १६ हजार १६८

काठमाडौँ, असार २३ गते । पछिल्लो २४ घण्टामा २०४ जनामा कोरोना सङ्क्रमित पुष्टि भएकाे छ । योसँगै कुल सङ्क्रमित १६ हजार १६८ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्राडा जागेश्वर गौतमले जानकारी दिनुभएको हो ।

आज देशभर छहजार १३३ जनाको पीसीआर परीक्षण गरिएकोमा सङ्क्रमित सङ्ख्या २०४ आएको हो । योसँगै जम्मा दुई लाख ६१ हजार ८६१ पुगेको छ ।
क्वारेन्टाइनमा २६ हजार ७२७, आइसोलेसनमा आठ हजार ६३४ रहेका छन् ।

डिस्चार्ज

आज ६८८ जना निको भएर डिस्चार्ज हुनुभएको छ । योसँगै ७४९९ पुगेको छ भने याे ४६ प्रतिशत भन्दा बढी सङ्क्रमित स्वास्थ्य लाभपछि घरमा डिस्चार्ज भएका छन्।

उपत्यकामा सङ्क्रमित

यस्तै, आज काठमाडौँ उपत्यकामा सङ्क्रमित सङ्ख्या २८ पुगेको छ । काठमाडौँ जिल्लामा १४, ललितपुरमा १० र भक्तपुरमा ४ जना सङ्क्रमित भएका छन् । हिजाे उपत्यकामा ५४ जना सङ्क्रमित पुष्टि भएकाे थियाे । आइतबार उपत्यकामा ३० जनामा भाइरस सरेकाे थियाे ।

पाँचसय भन्दा बढी उपचाररत जिल्ला

महाेत्तरी, राैतहट, पाल्पा ,अछाम, कैलाली र बाजुरा जिल्लामा पाँचसय भन्दा बढी उपचाररत रहेकाे उहाँले जानकारी दिनुभयाे ।

सङ्क्रमणमुक्त चारवटा जिल्ला

प्रदेश १ मा तेहथुम, भोजपुर र सोलुखम्बु र कर्णाली प्रदेशमा हुम्ला कोरोना सङ्क्रमणमुक्त जिल्ला भएको घोषणा भएको छ ।

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter