कोभिड–१९ का १५६ सङ्क्रमित थपिए, कुल १७ हजार ६५८

काठमाडौँ, साउन ४ गते । नेपालमा कोभिड–१९ (कोरोना भाइरस)का १५६ जना नयाँ सङ्क्रमित थपिएका छन् । पछिल्लो चौबीस घण्टामा तीन हजार ७४१ जनाको आरटी पीसीआर परीक्षण गरिएकोमा १५६ बिरामी थपिएका हुन् ।

स्वास्थ्य तथा जनसङ्ख्या मन्त्रालयले आफ्नो नियमित पत्रकार सम्मेलनमा नयाँ थपिएका बिरामीसँगै नेपालमा कोभिड–१९ बाट सङ्क्रमित हुनेको सङ्ख्या १७ हजार ६५८ पुगेको जनाएको छ । जसमध्ये ११ हजार ६९५ बिरामी कोरोनामुक्त भइसकेको छन् । हाल पाँच हजार ९२३ जनामा कोभिड–१९ को सङ्क्रमण सक्रिय रहेको छ । कोभिड–१९ को निको हुने दर ६६.२४ प्रतिशत पुगेको प्रवक्ता डा. गौतमले जानकारी दिनुभयो ।

पछिल्लो चौबीस घण्टामा ५८ जना बिरामी निको भई घर फर्केका छन् । मन्त्रालयका प्रवक्ता डा. जागेश्वर गौतमका अनुसार कोरोना आशङ्कामा हाल २२ हजार ६६२ जना क्वारेन्टाइनमा छन् । आइसोलेशनमा पाँच हजार ९२३ जना हुनुहुन्छ ।

कोभिड–१९ बाट हालसम्म ४० जनाको मृत्यु भएको मन्त्रालयले जनाएको छ । हालसम्म कोभिड–१९ को सङ्क्रमणले प्रदेश २ मा छ जना, बाग्मती प्रदेशमा नौ जना, गण्डकी प्रदेशमा पाँच जना, प्रदेश ५ मा १० जना, कर्णाली प्रदेशमा चार जना र सुदूरपश्चिम प्रदेशमा छ जनाको मृत्यु भएको हो । नेपालमा कोभिड–१९ बाट मृत्युदर १.२४ दत्र्ता गरिएको छ ।

हालसम्म नेपालमा तीन लाख १५ हजार ५७० जनाको नमूना सङ्कलन गरी कोभिड–१९ को परीक्षण गरिएको छ । परीक्षण गरिएकोमा दुई लाख ९७ हजार ९१२ जनामा कोभिड–१९ को पुष्टि भएको छैन् ।

Related News

Comments are closed

TOP NEWSview all

SC bars CIAA from conducting Sting Operations

Seto Machhendranath chariot procession begins

FNCCI calls applications from Startups

Nepal beats Netherland By 9 wickets

19 injured on first day of Bisket Jatra




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter