कोरोनाबाट ३८१ जना नयाँ सङ्क्रमित, कुल २१ हजार ३९०
August 5, 2020 | 7:44 pm
काठमाडौँ, साउन २१ गते । कोरोना भाइरसका ३८१ जना नयाँ सङ्क्रमित थपिएका छन् । यससँगै नेपालमा कुल सङ्क्रमितको सङ्ख्या २१ हजार ३९० पुगेको स्वास्थ्य तथा जनसङ्ख्या मन्त्रालयकाे दैनिक प्रेस ब्रिफिङको क्रममा मन्त्रालयका प्रवक्ता प्राडा जागेश्वर गाैतमले जानकारी दिनुभयाे ।
मन्त्रालयका अनुसार पछिल्लो चौबीस घण्टामा सात हजार ८५९ जनाको स्वाब परीक्षण गरिएको छ । हाल नाै हजार ९२५ जना क्वारेन्टिनमा छन् ।
सक्रिय सङ्क्रमित सङ्ख्या छहजार ६६४ रहेका छन् । सङ्क्रमित भएर मृत्यु हुनेको सङ्ख्या ६० पुगेको छ ।
मन्त्रालयका प्रवक्ता डा. गौतमका अनुसार पछिल्लो चौबीस घण्टामा १३० जना सङ्क्रमित निको भएर घर फर्केका छन् । योसँगै हालसम्म १५ हजार १५६ जना सङ्क्रमित कोरोनामुक्त भइसकेका छन् ।