मङ्गलबार एक हजार १६ सहित कुल सङ्क्रमित २८ हजार १६ पुग्याे; काठमाडौँ उपत्यकाका २०५ मा सङ्क्रमण पुष्टि
काठमाडौँ, भदाै २ गते । कोरोना भाइरसका एक हजार १६ जना सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा १३ हजार ४८१ पीसीआर परीक्षणमा साे सङ्क्रमण पुष्टि भएको छ ।
मन्त्रालयका प्रवक्ता डा. जागेश्वर गौतमले पछिल्लो २४ घण्टामा थपिएका सङ्क्रमितसँगै नेपालमा कुल सङ्क्रमितको सङ्ख्या २८ हजार २५७ पुगेको नियमित पत्रकार सम्मेलनमा जानकारी दिनुभयाे । उहाँका अनुसार नेपालमा अहिले सक्रिय सङ्क्रमितहरू दश हजार ५६३ रहेका छन् । क्वारेन्टिनमा १३ हजार ९२६ रहेका छन् ।
पछिल्लो २४ घण्टामा ८५ जना सङ्क्रमित निको भएर घर फर्किएका छन् । याेसँगै हालसम्म १७ हजार ५८० जना सङ्क्रमित निको भएर घर फर्किएका छन् ।
आइसीयूमा रहेर उपचार भइरहेका सङ्क्रमितहरू प्रदेश १ मा चारजना, प्रदेश २ मा ४९, वागमती प्रदेशमा ५२, गण्डकीमा ६, प्रदेश ५ मा १० रहेका छन् । कर्णाली र सुदूरपश्चिम प्रदेशमा कोही पनि आइसीयूमा नरहेको उहाँले जानकारी दिनुभयो ।
कोरोना भाइरसका कारण पछिल्लो २४ घण्टामा सात जनाको मृत्यु भएको छ । योसँगै मृत्यु हुनेको सङ्ख्या ११४ पुगेको छ ।
काठमाडौँ उपत्यकाका २०५ मा सङ्क्रमण पुष्टि
काठमाडाैँ उपत्यकामा पछिल्लो चौबीस घण्टामा हालसम्मकै सबैभन्दा बढी जनामा सङ्क्रमणको पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा काठमाडाैँमा २०५ जनामा सङ्क्रमितको पुष्टि भएको हो ।
स्वास्थ्य तथा जनसङ्ख्या मन्त्रालयले आफ्नो दैनिक प्रेस ब्रिफिङ्को क्रममा देशभरि हालसम्मकै उच्च एक हजार १६ जना सङ्क्रमित पुष्टि भएकोमा काठमाडाैँ उपत्यकाका मात्रै २०५ जना छन् । मन्त्रालयका अनुसार काठमाडाैँमा १३८, ललितपुरमा ५० र भक्तपुरमा १७ जना सङ्क्रमितको पुष्टि भएको छ ।
कठमाडौँ उपत्यकामा पछिल्लो एक सातादेखि दैनिक एक सय जनामा सङ्क्रमित फेला पर्दैआएको छ । शनिबार मात्रै ९८ जना सङ्क्रमितको पुष्टि भएको थियो । सोमबार १६८ जना सङ्क्रमितको पुष्टि भएको थियो । आइतबार ११९ जना सङ्क्रमित फेला परेको थियो ।