कोरोनाका ६३४ सङ्क्रमित थपिए; काठमाडौँ उपत्यकामा २१६ जनामा सङ्क्रमण
काठमाडौँ, भदौ ६ गते । नेपालमा पछिल्लो चौबीस घण्टामा कोरोनाभाइरसका ६३४ जनामा सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा थपिएका सङ्क्रमितसँगै नेपालमा कुल सङ्क्रमितको सङ्ख्या ३१ ह्जार ११७ पुगेको छ ।
मन्त्रालयका प्रवक्ता डा. जागेश्वर गौतमले दैनिक प्रेस ब्रिफिङको क्रममा पछिल्लो चौबीस घण्टामा १२ हजार ५१९ जनाको पीसीआर परीक्षण गरिएको बताउनुभयाे । सङ्क्रमितमध्ये १८२ जना महिला र ४५२ जना पुरुष रहेको मन्त्रलायले जनाएको छ । पछिल्लो चौबीस घण्टामा १३६ जना सङ्क्रमित निको भई घर फर्केका छन् ।
काठमाडौँ उपत्यकामा २१६ जनामा सङ्क्रमणको पुष्टि
काठमाडाैँ उपत्यकामा कोरोनाभाइरसका २१६ जना नयाँ सङ्क्रमितको पुष्टि भएको छ । काठमाडाैँमा पछिल्लो चौबीस घण्टामा पुष्टि भएको सङ्क्रमितको सङ्ख्या अहिलेसम्मकै उच्च हो ।
स्वास्थ्य तथा जनसङ्ख्या मन्त्रालयले आफ्नो नियमित प्रेस ब्रिफिङ्को क्रममा काठमाडाैँ उपत्यकाको तीन जिल्लामा पछिल्लो चौबीस घण्टामा २१६ नयाँ सङ्क्रमितको पुष्टि भएको जनाएको छ । काठमाडाैँ उपत्यकाको काठमाडाैँमा १६०, ललितपुरमा छ र भक्तपुरमा ५० जना सङ्क्रमित पुष्टि भएको हो । भक्तपुरमा थपिएका सङ्क्रमित अहिलेसम्मकै चौबीस घण्टाको सबैभन्दा बढी हो ।