थप ८८४ जना सङ्क्रमितसहित ३७ हजार ३४० पुग्याे; काठमाडौँ उपत्यकामा कोरोनाका १८६ सङ्क्रमित थपिए
काठमाडौँ, भदौ १३ गते । नेपालमा ८८४ जना कोरोना सङ्क्रमित थपिएका छन् । थप २४२ महिला र ६४२ जना पुरुषलाई कोरोना भाइरस पुष्टि भएको छ ।
स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा पछिल्लो २४ घण्टामा थपिएकासँगै सङ्क्रमित हुने कुल ३७ हजार ३४० पुगेको जनाइएको छ ।
नेपालमा अहिले सक्रिय सङ्क्रमितहरू १६ हजार ५७७ रहेका छन् । होम आइसोलेसनमा छहजार ४४५ र संस्थागत आइसोलेसनमा १० हजार १४५ रहेका छन् ।
पछिल्लो २४ घण्टामा ३१३ जना कोरोना सङ्क्रमित निको भएर घर फर्केका छन् । योसँगै कुल निको हुने दर ५५ प्रतिशत छ । कुल डिस्चार्ज भएकाहरू २० हजार ५५५ पुगेको छ ।
विदेशबाट फर्केका अधिकांश क्वारेन्टिनमा बसेका छन् । यसरी बस्नेहरू आठ हजार ३५ रहेका छन् ।
काठमाडौँ उपत्यकामा कोरोनाका १८६ सङ्क्रमित थपिए
काठमाडाैँ उपत्यकामा कोभिड–१९ का १८६ सङ्क्रमित थपिएका छन् । उपत्यकामा यसअघि शुक्रबार अहिलेसम्मकै सबैभन्दा बढी ४१५ जनामा सङ्क्रमणको पुष्टि भएको थियो ।
स्वास्थ्य तथा जनसङ्ख्या मन्त्रालयले आफ्नो दैनिक प्रेस ब्रिफिङ्को क्रममा उपत्यकाको तीन जिल्लामा १८६ सङ्क्रमित थपिएको जनाएको छ । प्रवक्ता डा. जागेश्वर गौतमले काठमाडाैँमा सबैभन्दा बढी काठमाडाैँमा १५५, ललितपुरमा १९ र भक्तपुरमा १२ जना थपिएको जानकारी दिनुभयो ।
पछिल्लो चौबीस घण्टामा काठमाडाैँको पाटन अस्पतालमा मात्रै दुई जना सङ्क्रमितको मृत्यु भएको छ । पछिल्लो चौबीस घण्टामा ११ हजार ५१६ ज्नाको आरटी पीसीआर परीक्षण गरिएको छ । यसअघि मन्त्रालयले दश हजार ५२९ जनाको पछिल्लो चौबीस घण्टामा आरटीपीसीआर परीक्षण गरिएको जनाएकोमा पछि ११ हजार ५१६ जनाको परीक्षण गरेको जनाएको छ ।३१३ जना सङ्क्रमित पछिल्लो चौबीस घण्टामा निको भएर घर फर्केको मन्त्रलायले जनाएको छ ।