दुई हजार ७१ सङ्क्रमितसहित एक लाख सातहजार ७५५ जना पुग्याे
काठमाडौं, असोज २५ गते । नेपालमा कोरोना भाइरसका दुई हजार ७१ सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा साे संख्यामा सङ्क्रमित थपिएसँगै एक लाख सातहजार ७५५ जना पुगेकाे छ ।
स्वास्थ्य तथा जनसंख्या मन्त्रालयले आफ्नो नियमित प्रेस ब्रिफिङ्को क्रममा पछिल्लो चौबीस घण्टामा परीक्षण गरिएकोमा दुई हजार ७१ जनामा सङ्क्रमणको पुष्टि भएको जनाएको हो ।
हाल ३३ हजार ३१५ जनामा भाइरसको सङ्क्रमण सक्रिय छ । साेही संख्यामा हाेमसहित संस्थागत अाइसाेलेसनमा बसेका छन् ।
मन्त्रालयले पछिल्लो चौबीस घण्टामा एक हजार ५५२ जना कोरोना सङ्क्रमित निको भएर घर फर्केका छन् । हालसम्म ७५ हजार ८०४ सङ्क्रमित निको भएर घर फर्केका छन् ।
पछिल्लो २४ घण्टामा २४ जनाको कोरोना भाइरसका कारणले मृत्यु भएको छ । एक दिनमो यस संख्यामा मृत्यु भएको सबैभन्दा बढी हो । योसँगै नेपालमा कोभिड १९ को कारणले मृत्यु हुनेको संख्या ६३६ पुगेको छ ।
काठमाडौं उपत्यकामा एक हजार ४१६ मा सङ्क्रमण पुष्टि
काठमाडौं उपत्यकामा कोरोनाभाइरसका एक हजार ४१६ जनामा सङ्क्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा उपत्यकाका तीन जिल्लामा एक हजार ४१६ जना सङ्क्रमित थपिएका छन् ।
मन्त्रालयले काठमाडौंमा एक हजार हजार १४५, ललितपुरमा १६१ र भक्तपुरमा ११० मा सङ्क्रमणको पुष्टि भएको जनाएको छ । मन्त्रालयका अनुसार पछिल्लो चौबीस घण्टामा देशैभरिबाट एक हजार ५५२ जना सङ्क्रमित निको भएर घर फर्केका छन् । ७५ हजार ८०४ जना कोरोनामुक्त भएका छन् । सक्रिय सङ्क्रमित ३१ ह्जार ३१५ छन् ।