पुस्तकमा चित्र हेरेर शुरु गरें, अहिले मासिक अढाई लाख आम्दानी

जयकृष्ण यादव / इनरुवा, कत्तिक २ गते । सुनसरीको गढी गाउँपालिका २ भमरीका ५० वर्षीय श्यामसुन्दर चौधरीले माछापालन थाल्नुभएको २८ वर्ष भयो । दुई कट्ठाबाट सुरु गर्नुभएको माछापालनबाट अहिले वार्षिक ३० लाख रुपियाँ आम्दानी गर्न सफल हुनुभएको छ ।

चौधरीले २०४९ सालमा दुई कट्ठा जग्गामा स्थानीय जातको माछा पालन सुरु गर्नुभएको र एक वर्षपछि दुई बिघा १३ कट्ठा क्षेत्रफलमा पोखरी खन्न लगाएर उन्नत जातको माछापालन सुरु गर्नुभयो ।

त्यसबेला ७२ हजार रुपियाँमा जग्गा पोखरी खनाएर सुरु गर्नुभएको माछापालन यतिबेला चौधरीको लागि बरदान सावित भएको छ । साबिक औरावनी गाबिस भमरी निवासी चौधरीको आर्थिक अवस्था कमजोर थियो । हातमुख जोर्नकै समस्या भएपछि उहाँले कक्षा ८ मा पढ्दापढ्दै कितावमा माछाको तस्विर हेरेर माछापालनमा लाग्नुभएको थियो । बुवाआमाको कमाईसँगै केही आफ्नै र एक बिघा १८ कट्ठा जमिन खरिद गरी रहु, नैनी , सिल्बर, ग्रासकार, कमनकार, भाकुरसहितका सात जातको माछापालन व्यवसाय सुरु गर्नुभयो ।

सुरुमा माछाका बारेमा केही थाहा थिएन कक्षा ८ मा पढेको कितावको ज्ञानबाटै सुरु गर्नुभएको माछापालन व्यबसाय अहिले गुजारा चलाउनका लागि मात्र सीमित छैन अहिले उहाँ सफल माछा किसानको रुपमा परिचित हुनुभएको छ ।

उहाँले अहिले माछा मात्रै होईन माछाको मुर्रा नै उत्पादन गरेर वार्षिक दुई करोड भुरा उत्पादन गरेर विक्री गर्नुहुन्छ । चौधरीले आफ्नो पोखरीमा उन्नत जातको भुरा उत्पादन गरेर सुनसरी, मोरगं, झापा, इलाम, सप्तरी र छिमेकी मुलुक भारतसम्म विक्री गर्नुहुन्छ । उन्नत जातको माछा प्रतिकेजीसात सयदेखि एक हजार रुपियाँसम्ममा बिक्री गर्नुहुन्छ भने माछाको भुरा पनि सयवटाको ६० रुपियाँमा विक्रि गर्नुहुन्छ । यस हिसाबले पनि चौधरीले बार्षिक ६२ लाखको कारोबार गरी ३० लाख रुपियाँसम्म आम्दानी गर्न थाल्नुभएको छ । माउँ माछा पालेर त्यसको भुरा उत्पादन गरेर विक्री गर्दै आउनुभएको छ ।

माछापालनबाट मासिक दश लाख आम्दानी गर्ने लक्ष्य रहेको उहाँको भनाई छ । जिल्लाकै ठूलो माछापालन व्यवसायका रुपमा रह्नुभएका चौधरीको चार वटा साना र ६ वटा ठूला गरी १० वटा पोखरी छन् । यो व्यवसायमा चौधरीको दम्पतीसहित ६ जना कामदार आश्रित छन् । उहाँले विदेश जाने युवाले यही लगानी गरे प्रसस्त आम्दानी गर्न सकिन्छ, उहाँ भन्नु हुन्छ नेपालमा केही गर्न सकिन्छ किन जानुपर्यो विदेश ।

उहाँलाई प्रदेश सरकारले यसपालि मात्रै १५ लाख रुपियाँ अनुदान र आफ्नो १० लाख गरि २५ लाखको लगानीमा स्तरीय भुरा उत्पादन गर्ने ह्याचरीको संरचना निर्माण गरिएको छ ।

Related News

Comments are closed

TOP NEWSview all

19 injured on first day of Bisket Jatra

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter