तीन हजार ३०९ सङ्क्रमित थपिए, कुल एक लाख ८२ हजार ९२३
काठमाडौं, कात्तिक १९ गते । नेपालमा कोरोना भाइरसका तीन हजार ३०९ जना सङ्क्रमित थपिएका छन् । पछिल्लो चौबीस घण्टामा जनामा सङ्क्रमण तीन हजार ३०९ जना पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार पछिल्लो चौबीस घण्टामा १३ हजार १४४ जनाको आरटीपीसीआर परीक्षण गरिएको छ ।
स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिक गर्दै पछिल्लो चौबीस घण्टामा थपिएका सङ्क्रमितसँगै नेपालमा कुल सङ्क्रमित एक लाख ८२ हजार ९२३ पुगेको छ । हाल ३६ हजार ९११ जनामा भाइरसको सङ्क्रमण सक्रिय छ ।
मन्त्रालयले पछिल्लो चौबीस घण्टामा तीन हजार ८४४ जना कोरोना सङ्क्रमित निको भएर घर फर्केको जनाएको छ । हालसम्म एक लाख ४४ हजार ९७८ सङ्क्रमित निको भएर घर फर्केका छन् ।
त्यसैगरी, पछिल्लो चौबीस घण्टामा ३० जना सङ्क्रमितको मृत्यु भएको छ । योसँगै कोरोनाभाइरसबाट मृत्यु हुनेको संख्या एकहजार ३४ पुगेको छ ।
उपत्यकामा एक हजार ८७८ जना सङ्क्रमित थपिए
काठमाडौं उपत्यकामा पछिल्लो चौबीस घण्टामा कोरोना भाइरसका एक हजार ८७८ जना सङ्क्रमित थपिएका छन् । मन्त्रालयका अनुसार पछिल्लो चौबीस घण्टामा १३ हजार १४४ जनाको आरटीपीसीआर परीक्षण गरिएको छ ।
मन्त्रालयले गरेको प्रेस बिफ्रिङ्को क्रममा प्रवक्ता गौतमले काठमाडौं जिल्लामा एक हजार ५७० जनामा सङ्क्रमणको पुष्टि भएको बताउनुभयो । उपत्यकामा थपिएका सङ्क्रमितमध्ये ७३७ महिला र एक हजार १४१ पुरुष छन् । मन्त्रालयका अनुसार पछिल्लो चौबीस घण्टामा देशैभरि १३ हजार १४४ जनाको आरटीपीसीआर परीक्षण गरिएकोमा तीन हजार ३०९ जनामा सङ्क्रमण पुष्टि भएको छ ।
काठमाडौंमा हाल १६ हजार ४२०, ललितपुरमा दुई हजार २७४ तथा भक्तपुरमा एक हजार ११४ जनामा भाइरसको सङ्क्रमण सक्रिय छ । काठमाडौंमा हालसम्म ५० हजार ६८२ जना सङ्क्रमित निको भई घर फर्केका छन् । ललितपुरमा निको हुनेको संख्या सात हजार १६५ छन् । भक्तपुरमा चार हजार ९०३ जना निको भएका छन् । हालसम्म काठमाडौंमा २५६, ललितपुरमा ६४ र भक्तपुरमा ६८ जना सङ्क्रमितको मृत्यु भएको छ ।