भारतले १० लाख डोज खोप उपलब्ध गराउने, प्रथम खेप भोलि आउने
काठमाडौ, माघ ७ गते । भारत सरकारले नेपाललाई १० लाख डोज खोप उपलब्ध गराउने भएको छ ।
बुधबार स्वास्थ्य मन्त्रालयमा स्वास्थ्य तथा जनसंख्यामन्त्री हृदयेश त्रिपाठीले १० लाख डोज खोप उपलब्ध गराउने जानकारी दिनुभयो । बुधबार मन्त्रालयमा भारतीय राजदुत विनयमोहन वाक्त्राको उपस्थितिमा संयुक्त पत्रकार सम्मेलनको मन्त्री त्रिपाठीले नेपाल सरकारलाई भारत सरकारले १० लाख डोज खोप दिने जानकारी दिनुभयो ।
उपत्यकामा १४५ सहित ३१८ सङ्क्रमित थपिए, ३८३ सङ्क्रमित निको भए
नेपालमा कोरोना भाइरसका ३१८ जना सङ्क्रमित थपिएका छन् । स्वास्थ्य तथा जनसंख्या मन्त्रालयले कोभिड–१९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा ३८३ जना सङ्क्रमित निको भएको उल्लेख गरेको छ । हालसम्म दुई लाख ६२ हजार ६४२ जना सङ्क्रमित निको भइसकेका छन् ।
पछिल्लाे २४ घण्टामा नेपालमा पाँच हजार १२ जनाकाे अारती पीसीअार परीक्षणमा ३४८ जना सङ्क्रमित थपिएका हुन् । नेपालमा अहिलेसम्म बीस लाख २६ हजार ७२६ वटा पीसीअार परीक्षण भइसकेका छन् ।
हाल तीनहजार ६९३ जनामा भाइरसको सङ्क्रमण सक्रिय रहेको मन्त्रालयले जनाएको छ । हालसम्म नेपालमा कोरोना भाइरसबाट दुई लाख ६८ हजार ३१० जना सङ्क्रमित भएका छन् ।
पछिल्लो चौबीस घण्टामा छ जना सङ्क्रमितको मृत्यु भएको मन्त्रालयले जनाएको छ । हालसम्म एक हजार ९७५ जना सङ्क्रमितको मृत्यु भइसकेको छ । हाल तीन हजार ६९३ जना आइसोलेशनमा र १७२ जना क्वारेन्टिनमा छन् ।
उपत्यकामा १४५ जनामा काेराेना पुष्टि
काठमाडाैं उपत्यकामा १४५ जनामा काेराेना पुष्टि भएकाे छ । भक्तपुरमा तीन, ललितपुरमा २६ र काठमाडाैंमा एकसय १६ जनामा पुष्टि भएकाे हाे ।