तीनसय तीनजना सङ्क्रमित थपिए, २८५ जना सङ्क्रमणमुक्त
काठमाडौं, माघ १३ गते । नेपालमा कोरोना भाइरसका ३०३ जना सङ्क्रमित थपिएका छन् । स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै नेपालमा कोरोनाका कुल सङ्क्रमितको संख्या दुई लाख ७० हजार ९२ जना पुगेको छ ।
पछिल्लो चौबीस घण्टामा चारहजार ५७४ जनाकाे पीसीअार परीक्षण गर्दा कोरोना भाइरसका ३०३ जना सङ्क्रमित थपिएका हुन् । अहिलेसम्म २० लाख ५२ हजार ६८७ पीसीअार परीक्षण भइसकेकाे छ ।
देशका विभिन्न अस्पतालबाट २८५ जना सङ्क्रमित सङ्क्रमणमुक्त भई घर फर्केको मन्त्रालयले जनाएको छ । पछिल्लो चौबीस घण्टामा ४०१ जना कोभिडमुक्त भएसँगै नेपालमा कोरोना निको हुनेकाे संख्या दुई लाख ६४ हजार ८२३ पुगेको छ । नेपालमा कोरोना निको हुनेकाे प्रतिशत ९८.०५ पुगेकाे छ ।
यस्तै साे अवधिमा छ जना सङ्क्रमितको मृत्युको पुष्टि भएको मन्त्रालयले उल्लेख गरेको छ । साे सँगै मृतकसँगै नेपालमा कोभिडबाट मृत्यु हुने दुइ हजार १७ जना पुगेका छन् ।
हाल तीन हजार २५२ जनामा भाइरसको सङ्क्रमण सक्रिय छ भने तीन हजार २५२ जना आइसोलेशनमा र १२२ जना क्वारेन्टिनमा छन् ।
यस्तै पछिल्लो चौबीस घण्टामा काठमाडाैं उपत्यकमा १७२ जना सङ्क्रमित थपिएका छन् ।