निकाे हुने दर बढ्दै , ३३३ सङ्क्रमणमुक्त, १५७ सङ्क्रमित थपिए
काठमाडौं, माघ १६ गते । नेपालमा कोरोना भाइरसका १५७ जना सङ्क्रमित थपिएका छन् । स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै नेपालमा कोरोनाका कुल सङ्क्रमितको संख्या दुई लाख ७० हजार ७४५ जना पुगेको छ ।
पछिल्लो चौबीस घण्टामा तीन हजार २२१ जनाको पीसीआर परीक्षण गर्दा कोरोना भाइरसका १५७ जना सङ्क्रमित थपिएका हुन् । अहिलेसम्म २० लाख ६४ हजार ८१ पीसीआर परीक्षण भइसकेको छ ।
देशका विभिन्न अस्पतालबाट ३३३ जना सङ्क्रमित सङ्क्रमणमुक्त भई घर फर्केको मन्त्रालयले जनाएको छ । पछिल्लो चौबीस घण्टामा ३३३ जना कोभिडमुक्त भएसँगै नेपालमा कोरोना निको हुनेको संख्या दुई लाख ६५ हजार ६९८ जना पुगेको छ । नेपालमा कोरोना निको हुनेको प्रतिशत ९८.१४ भएकाे छ
पछिल्लो चौबीस घण्टामा पाँचजनाकाे मृत्यु भएकाे मन्त्रालयले उल्लेख गरेको छ । याेसँगै दुई हजार २५ जना सङ्क्रमितकाे मृत्यु भएकाे छ ।
हाल तीन हजार २२ जनामा भाइरसको सङ्क्रमण सक्रिय छ भने तीन हजार २२ जना आइसोलेशनमा र १११ जना क्वारेन्टिनमा छन् ।