एकल महिलाद्वारा रासायनरहित प्याड उत्पादन

अविनाश चौधरी / धनगढी, माघ २४ गते । कैलालीको धनगढीमा एकल महिलाले रासायनरहित सेनेटरी प्याडको उत्पादन थालेका छन् ।

महिलाका प्रजनन स्वास्थ्यलाई मध्यनजर गरेर रासायनरहित सेनेटरी प्याड उत्पादन गर्न थालेको जनाइएको छ । मानव अधिकारका लागि महिला एकल महिला सुदूरपश्चिम समितिमार्फत उपकरण भित्र्याएर ‘कम्पोष्टेबल’ सेनेटरी प्याड उत्पादन गर्न थालेको वेद अवस्थीले जानकारी दिनुभयो ।

‘प्लाष्टिक मिसावट नगरिएकाले उत्पादित सेनेटरी प्याड रासायनरहित रहेको छ’, अवस्थीले भन्नुभयो । ‘यो सेनेटरी प्याडको प्रयोग स्वास्थ्यको दृष्टिकोणले अत्यन्त राम्रो रहनेछ ।’

महिनावारी भएको बेला महिलाले सेनेटरी प्याड लगाउने गरेका छन् । उनीहरुले प्रयोग गर्ने सेनेटरी प्याड सफा र गुणस्तरयुक्त नभएमा विभिन्न स्वास्थ्य समस्या हुनसक्ने खतरा रहेको जनाइएको छ । प्लाष्टिकयुक्त सेनेटरी प्याड प्रयोग गर्दा पाठेघरमा इन्फेक्नसन हुन सक्ने, सेतो पानी बग्ने जस्ता समस्या देखिने गरेको बताइन्छ । तर, आफूहरुले महिलाको प्रजनन स्वास्थ्यलाई मध्यनजर गरेर सेनेटरी प्याड उत्पादन गरिरहेको अवस्थीले बताउनुभयो ।

‘हामीले बनाइरहेको सेनेटरी प्याडले प्रजनन स्वास्थ्यलाई कुनै असर पु¥याउँदैन’, उहाँले भन्नुभयो । ‘किनभने, यसमा रासायन र प्लाष्टिक मिसावट गरिएको छैन ।’

महिलाले प्रयोग गरेका सेनेटरी प्याड यत्रतत्र फालिने गरिएको छ । त्यसरी प्याड फाल्दा प्रदूषण बढ्ने गरेको छ । तर, कम्पोष्टेबल सेनेटरी प्याड चाँडै कुहिएर मलमा परिणत हुने जनाइएको छ । बढीमा ६० दिनभित्र कम्पोष्टेबल सेनेटरी प्याड कुहिने अवस्थीले उल्लेख गर्नुभयो । सेनेटरी प्याडले गर्दा हुने वातावरण प्रदुषण र महिलामा देखिने स्वास्थ्य समस्या निराकरणका लागि कम्पोष्टेबल सेनेटरी प्याड उत्पादन थालेको उहाँको भनाइ छ ।

कम्पोष्टेबल सेनेटरी प्याड उत्पादनका लागि पाँच जना एकल महिलालाई रोजगारीसमेत दिइएको छ । सेनेटरी प्याड उत्पादनले एकल महिलालाई आयआर्जन गुजारामा सहज हुने विश्वास गरिएको छ । यसैगरी, एकल महिलालाई हौसला पनि मिल्ने अवस्थीले उल्लेख गर्नुभयो ।

उत्पादित सेनेटरी प्याडलाई चाँडै बजारमा ल्याउने जनाइएको छ । गुणस्तर चिन्ह प्राप्त भए लगत्तै आफूहरुले उत्पादन गरेको सेनेटरी प्याडको बिक्री वितरण सुरु गर्ने अवस्थीले बताउनुभयो । ‘यसलाई व्यवस्थित रुपमा अगाडि बढाउनका लागि हामीले स्थानीय सरकारसंग पनि सहकार्य गरिरहेका छौं’, उहाँले भन्नुभयो ।

Related News

Comments are closed

TOP NEWSview all

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts

NTA’s Broadband Internet connected to 75 percent of target areas




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter