दुई हजार २५१ परीक्षणमा ११९ थपिए, २६० सङ्क्रमित निको
February 7, 2021 | 9:53 pm
काठमाडौं, माघ २५ गते । नेपालमा कोरोनाभाइरसका ११९ जना सङ्क्रमित थपिएका छन् । पछिल्लो चौबीस घण्टामा कोरोनाका २६० जना सङ्क्रमित निको भएर घर फर्केका छन् ।
स्वास्थ्य तथा जनसंख्या मन्त्रालयले कोभिड १९ सम्बन्धी विवरण अद्यावधिक गर्दै थपिएका सङ्क्रमितसँगै नेपालमा कुल सङ्क्रमितको संख्या दुई लाख ७१ हजार ९२५ पुगेको जनाएको छ ।
जसमध्ये दुई लाख ६८ हजार ७२ जना सङ्क्रमित निको भएका छन् । नेपालमा अहिलेसम्म ९८.५८ प्रतिशत निकाे भएका छन् ।
हाल एक हजार ८१५ जना सङ्क्रमित आइसोलेशनमा छन् । पछिल्लो चौबीस घण्टामा दुई हजार २५१ वटा आरटीपीसीआर परीक्षण गरिएको थियाे ।
हालसम्म २० लाख ९३ हजार ४१७ जनाको आरटीपीसीआर परीक्षण गरिएको छ । पछिल्लो चौबीस घण्टामा तीनजना सङ्क्रमितको मृत्यु भएको छ । हालसम्म दुई हजार ३८ जना सङ्क्रमितले ज्यान गुमाएका छन् । हाल ९२ जना क्वारेन्टिनमा छन् ।