थप १८ सय ५१ सङ्क्रमित, सात हजार ७७७ निको, १४ को मृत्यु
February 9, 2022 | 9:20 pm
काठमाडौं, माघ २६ गते । पछिल्लो २४ घण्टामा १८ सय ५१जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार ११ हजार ६०३ जनाको पीसीआर परीक्षण गर्दा १८ सय ५१ जनामा सङ्क्रमण पुष्टि भएको हो ।
सोही अवधिमा चार हजार ७५३ जनाको एन्टीजेन परीक्षण गर्दा ५५० जनामा सङ्क्रमण पुष्टि भएको छ ।
मन्त्रालयका अनुसार कुल १६ हजार ३५६ जनामा परीक्षण गर्दा पीसीआर र एन्टीजेन गरेर दुई हजार ४०१ जनामा सङ्क्रमण पुष्टि भएको छ । सोही अवधिमा सात हजार ७७७ जना सङ्क्रमण मुक्त भएका छन् ।
मन्त्रालयका अनुसार २४ घण्टामा १४ जनाको मृत्यु भएको छ । योसँगै मुलुकमा कोरोनाबाट मृत्यु हुनेको सङ्ख्या ११ हजार ८५२ पुगेको छ ।
पछिल्लो २४ घण्टामा मुलुकमा दुई लाख ४६ हजार ७८३ जनाले कोरोनाविरुद्धको खोप लगाएका छन् । त्यस्तै, नेपालमा हाल ३० हजार २४१ जना सक्रिय सङ्क्रमित छन् ।