मनोरञ्जन क्षेत्रका श्रमिकको अधिकार संरक्षण गर्न प्रधानमन्त्रीसँग आग्रह

काठमाडौं, असार २१ गते । प्रधानमन्त्री शेरबहादुर देउवालाई विश्वास नेपाल संस्थाले १४ बुँदे घोषणा पत्र हस्तान्तरण गरेको छ ।

मङ्गलबार मनोरञ्जन तथा सत्कार सेवा क्षेत्रका श्रमिकहरुको अधिकारको संरक्षणका लागि नीतिगत व्यवस्था गर्न माग गर्दै संस्थाले १४ बुँदे घोषणा पत्र हस्तान्तरण गरेको हो ।

संस्थाका अध्यक्ष तारा भण्डारीले मनोरञ्जन तथा सत्कार सेवामा कार्यरत श्रमिकहरुलाई आफ्नो इच्छाले काम गर्न पाउने, स्वतन्त्र रुपमा रोजगारी छान्न पाउने अवस्था अझै नरहेको बताउनुभयो । साथै, उहाँले यस सेवामा काम गरेको आधारमा सामाजिक रुपमा नै अपहेलित हुनुपर्ने तथा कोठा भाडा सहज रुपमा नपाउने अवस्था विद्यामान रहेकोले यसलाई सहज बनाउन माग गर्नुभएको छ ।

उहाँले नेपालको संविधान २०७२ ले महिला, बालबालिका तथा श्रमिकहरुको हकको सुनिश्चितता गरेको समेत जानकारी दिनुभयो ।

मनोरञ्जन क्षेत्रको मुद्दालाई राजनीतिक मुद्दाको बहसको रुपमा लिँदै यस क्षेत्रका श्रमिकहरुको आधिकारिक तथ्याङ्ग राख्न प्रत्येक स्थानीय तहमा श्रम डेक्सको व्यवस्था गर्नुपर्ने उहाँको माग छ ।

त्यस्तै, श्रमिक तथा रोजगारदाता र सरकारी निकाय मिलेर यस क्षेत्रमा के कस्ता काम गर्न पाउने वा नपाउने त्यसको लागि कर्मचारीको कार्यक्षमता, रोजगारदाताको जिम्मेवारीलाई ध्यानमा राखी जिल्ला समन्वय समिति र विश्वास नेपालले निर्माण गरेको अनुगमन निर्देशिका र मापदण्डको निर्माण गर्नुपर्ने उहाँले बताउनुभयो ।

अध्यक्ष भण्डारीका अनुसार यो निर्देशिका, मापदण्ड स्थानिय तहबाट पास गराई लागू गर्नका लागि पहल गर्न र यससँग सम्बन्धित विशेष कानुन बनाउनुपर्ने घोषणापत्रमा लेखिएको छ ।

Related News

Comments are closed

TOP NEWSview all

Four-nation championship: Nepal into the final

KMC installs Pelican crossings at 36 key locations

Japan to recruit 20,000 Nepali caregivers for health sector

Mushroom industry opened in Nawalparasi

UML reminds PM to revise provisions of Cooperative Ordinance




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter