कागेश्वरी मनोहरा नगरपालिकाको १ सय दिन पूरा, सामाजिक विकासलाई मूख्य प्राथमिकता
काठमाडौं, भदौ २१ गते । काठमाडौं जिल्लाको उत्तरपूर्वी भेगको कागेश्वरी मनोहरा नगरपालिकाका जनप्रतिनिधीहरुले पदबहाली गरेको १०० दिन पूरा गरेका छन् । जनप्रतिनिधीहरुले पद बहालीगरेको १०० दिनको अवसरमा नगरपालिकाले गरेका काम तथा आगामी योजनाका कार्यहरु नर्लिङ रिसोर्टमा पत्रकार सम्मेलन गरेरै सार्वजनिक गरेको छ ।
सो अवसरमा नगरपालिकाले जनताको सेवामा १०० दिन पूरा गरेको छ । नगरपालिकाले सामाजिक विकाशलाई मुख्य प्राथमिकता निर्धारण गरी अगाडि बढेको कागेश्वरी मनोहरा नगरपालिकाका मेयर उपेन्द्र कार्कीले जानकारी दिनुभयो । साथै नगरपालिकाले नगरपालिकाको समग्र विकास गर्न शिक्षा, स्वास्थ्य, खेलकूद, जेष्ठ नागरिक, युवा तथा महिला सशक्तीकरण, उद्यमशिलता र भौतिक पूर्वाधारको काम अगाडि बढाईएको मेयर कार्कीले बताउनुभयो ।
कागेश्वरी नगरपालिकाले गरेको कार्य प्रगति विवरण पत्रकार सम्मेलनमा जानकारी गराएको थियो । पत्रकार सम्मेलनमा मेयर उपेन्द्र कार्की, उपमेयर शान्ता थापा, प्रमुख प्रशासकीय अधिकृत भोजराज घिमिरे लगायत वडाका वडा अध्यक्ष, सदस्यहरु तथा नगपालिकाका कर्मचारीहरुको उपस्थिति रहेको थियो ।
नगरपालिका क्षेत्रभित्रको पूर्वी शहरी आयोजना प्राथमिकता, नगरपालिकाभित्र खानेपानी आयोजना लगायत शिक्षक दरबन्दी, शैक्षिक गुणस्तर बढाउने योजना प्रस्तुत गर्नुभएको थियो । साथै नगरपालिकाले रोजगारीकोे निम्ति उद्यमशिलता कार्यक्रम, नगरपालिका क्षेत्रमा भएका कृषि, धार्मिक पर्यटनको क्षेत्रलाई व्यवस्थित तथा प्रवद्र्धनका योजना बारेमा जानकारी दिनुभएको थियो । साथै मेयर कार्कीले व्यवस्थित शहरी तथा शहरी सौन्दर्यकरण, फोहोरमैलाको व्यवस्थापन नदी क्षेत्रको संरक्षणलगायतका दिगो विकासका योजना तथा कार्यविवरण प्रस्तुत गर्नुभएको थियो ।
नगरपालिकालाई खेलकूद हबको रुपमा विकास गर्दै नगरपालिकलालाई खेलकूदमैत्री नगरपालिकाको अवधारणा अनुसार अगाडि बढ्ने जानकारी सो अवसरमा दिइएको थियो । नगरपालिका भित्रको सार्वजनिक जग्गा संरक्षणका साथै स्वास्थ्य बिमाका कार्यक्रम, कृषि कार्ड लगायतको व्यवस्थाबारेमा जानकारी दिनुभएको थियो ।
कागेश्वरी मनोहरा नगरपालिकाका जनप्रतिनिधिहरुले पदबहालीको एक वर्ष योजना निर्माणको वर्षको रुपमा लिएको मेयर कार्कीले बताउनुभयो । नगरपालिका भित्र फोहोरमैला व्यवस्थापनको योजना र नगरपालिकाले अध्ययन तथा अनुसन्धान केन्द्र स्थापना गरि अनुसन्धानको कार्य योजना रहेको जानकारी सो अवसरमा दिइएको थियो ।
नगर प्रमुख उपेन्द्र कार्कीले स्थानीय तहको निर्वाचनमा अमूल्य मत पाइ नगरपालिकाको समग्र बिकासको जिम्मेवारी पाएकोमा उक्त जिम्मेवारी कुशलतापूर्वक कर्तब्यनिष्ठ भइ पुरा गर्ने प्रतिबद्धता ब्यक्त गर्नुभएको थियो ।
नगरपालिकाले लगायत सबै जनप्रतिनिधिहरुले गरेका महत्वपूर्ण काम तथा प्रयासहरुको गरेको यो हामी सबैको साझा काम भएको बताएका थिए ।