‘एक घर, एक धारा’ उपभोक्ता उत्साहित

बाबुराम देवकोटा / सिन्धुलीमाढी, असार २१ गते । सिन्धुलीको सुनकोसी गाउँपालिका–५ खनियाखर्क निवासी भरतबहादुर थापालाई घरको आँगनमा नयाँ खानेपानीको धारा निर्माण भएपछि यतिखेर दैनिक उपभोग गर्न र गाईवस्तुलाई खुवाउन निकै सजिलो भएको छ ।

‘एक घर, एक धारा’ अभिायानअन्तर्गत गाउँमा दुई वर्षअघि निर्माण सुरु भएको खनियाखर्क खानेपानी तथा सरसफाई आयोजना भर्खर निर्माण पूरा भएपछि आफुलाई स्वच्छ खानेपानीसँगै यो सुविधा पुगको उहाँले बताउनुभयो ।

उपभोक्ता थापाले भन्नुभयो, ‘‘खानेपानीका लागि कहिले गाग्री बोकेर खोला पँधेरा खोज्दै हिँड्यौ । कहिले एक जनालाई गाग्री थाप्न डिय्टी राखेर माथि डाँडामा पाइप जोड्न जानु पर्दथ्यो । त्यती गर्दा पनि सुखले खानेपानी खान पाईदैनथ्यो ।’’

‘‘अहिले त सबैको घर अगाडि धारामा चौबिसैं घण्टा फिल्टर गरेको खानेपानी झर्छ, सबैलाई सुविधा भएको छ,’’ उहाँले थप्नुभयो । त्यसो त खनीयाखर्क गाउँमा ५२ घर परिवारको बसोबास रहेको छ । सोही ठाँउकी गृहणी प्रतिक्षा वाईवा गाँउमा खानेपानी योजना बनेसँगै स्थानीय उपभोक्ता खुशीले दङ्ग भएको बताउनुहुन्छ ।

‘‘पहिले खोला, पँधेरा, कुवाको खानेपानी उपभोक्ता राम्रो स्वच्छ खानेपानी खान पाइदैन थियो,’’ उहाँले भन्नुभयो, ‘‘अहिले धारामा दुई ठाँउमा फिल्टर गरेर पानी आउछ, स्वच्छ खानेपानी खान पाइएको छ ।’’

उनीहरुलाई स्वच्छ खानेपानी खुवाउने उद्देश्यले गत आर्थिक वर्ष ०७९/०८० देखि खनियाखर्क खानेपानी तथा सरसफाई आयोजना सुरु गरिएको वडा अध्यक्ष सुरथकुमार बसेल बताउनुहुन्छ । उहाँले भन्नुभयो, ‘‘एक घर, एक धारा अभियानअन्तर्गत प्रत्येक घरमा स्वच्छ खानेपानी पुर्‍याउन वडा कार्याल र पालिकाले प्राथमिकता दिएर काम गरी रहेका छन् ।’’

खानेपानीका लागि चरम समस्या भोग्दै आएका खनियाखर्क बासीको घर–घरमा स्वच्छ खानेपानी यतिखेर पुगेको उहाँले जानकारी दिनुभयो । उहाँका अनुसार उक्त आयोजना नेपाल स्वास्थ्यका लागि पानी (नेवा)को २६ लाख रुपियाँ, सुनकोसी गाँउपालिकाको १६ लाख रुपियाँ र स्थानीय उपभोक्ताको १४ लाख रुपियाँ बराबरको श्रमदानसहित ५७ लाख रुपियाँको लागतमा निर्माण सम्पन्न भएको छ ।

उक्त योजनाअन्तर्गत ट्याङ्की पाँच वटा, फिल्टर दुई वटा र ईन्टेक दुई वटा गरी नौ वटा संरचना बनेको आयोजनाले जनाएको छ ।

Related News

Comments are closed

TOP NEWSview all

Four-nation championship: Nepal into the final

KMC installs Pelican crossings at 36 key locations

Japan to recruit 20,000 Nepali caregivers for health sector

Mushroom industry opened in Nawalparasi

UML reminds PM to revise provisions of Cooperative Ordinance




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter