औषधि हस्तान्तरण
काठमाडौँ, ८ मङ्सिर । भारतीय नाकाबन्दीका कारण औषधिको अभाव सुरु भएपछि स्वास्थ्य तथा जनसङ्ख्या मन्त्रालयलाई गैरआवासीय नेपाली सङ्घले रु ३७ लाख बराबरको औषधि हस्तान्तरण गरेको छ ।
स्वास्थ्यमन्त्री रामजनम चौधरीलाई सङ्घका अध्यक्ष शेष घले आज यहाँ आयोजित कार्यक्रममा पहिलो चरणमा सो रकम बराबरको औषधि हस्तान्तरण गर्नुभयो । सो अवसरमा स्वास्थ्यमन्त्री चौधरीले सिङ्गो देश समस्यामा रहेका बेला संसारमा विभिन्न स्थानमा रहेका नेपालीले सहयोग गरेकोमा धन्यवाद दिँदै देशमा औषधिको अभाव हुन नदिने वताउनुभयो ।
उहाँले अहिले अन्य दातृ निकायबाट पनि औषधि ल्याउने पहल जारी रहेको र भारतीय सीमामा अड्किएका औषधि ल्याउन सुरु गरिसकिएको जानकारी दिनुभयो । सङ्घका अध्यक्ष घलेले समस्याको समाधान खोज्ने तर्फ लाग्नुपर्नेमा जोड दिँदैे दोस्रो चरणमा रु दुई करोड बराबरको मन्त्रालयलाई हस्तान्तरण गरिने जानकारी दिनुभयो ।
सङ्घले हस्तान्तरण गरेका औषधि आइसियु, आकस्मिक सेवामा प्रयोग हुने आपूर्ति व्यवस्था महाशाखाका निर्देशक डा भीमसेन तिनकुरीले जानकारी दिनुभयो । कार्यक्रममा स्वास्थ्य सेवा विभागका महानिर्देशक डा शेनेन्द्रराज उप्रेती,वरिष्ठ मुटुरोग विशेषज्ञ डा भगवान कोइराला, महाशाखाका निर्देशक डा तिनकुरी, खोप सुपरभाइजर अधिकृत ओमशर्माको पनि सहभागीता रहेको थियो । रासस