गरिबी न्यूनीकरण गर्न जुट्दै

PAF Nepalसिन्धुली, २९ मङ्सिर । जिल्लामा विभिन्न आयमूलक व्यवसाय सञ्चालन गरी ३० हजारभन्दा बढी व्यक्ति गरिबी न्यूनीकरण गर्न लागिपरेका छन् ।

गाउँमा नै आयमूलक व्यवसाय गर्न सहयोग पाएपछि जिल्लाका २ नगरपालिकासहित पचास गाविसका स्थानीयवासी आयमूलक व्यवसाय सञ्चालन गर्दै गरिबी न्यूनीकरण गर्न जुटेका हुन् । गरिबी निवारण कोषले जिल्लाका विपन्न व्यक्तिको पहिचान गरी उनीहरुलाई आयमूलक व्यवसाय सञ्चालन गर्न सहयोग गर्दैआएको छ ।

जिल्लामा १० वटा संस्थामार्फत कार्यक्रम सञ्चालन गरिएको छ । जिल्लामा गरिबी निवारण कोषले २०६३ सालदेखि कार्यक्रम सुरु गरेको हो । नागरिकले गरिबी निवारण कोषबाट प्राप्त अनुदान बीउ पुँजीबाट सहुलियत दरमा ऋण लिई विभिन्न व्यवसाय सञ्चालन गर्दैआएका छन् ।

कोषबाट जिल्लामा रु ४४ करोड ७६ लाख ७५ हजार तथा समुदायको सो लगानीबाट रु ५१ लाख २१ हजार थपिएको गरिबी निवारण कोषका कार्यक्रम संयोजक टङ्कध्वज थापाले जानकारी दिनुभयो । गरिबी निवारण कोषले तरकारीखेती, भैँसीपालन, राँगापालन, गाईपालन, गोरुपालन, बाख्रापालन, बङ्गुरपालन, सिलाइबुनाइ, जुनारखेती, अम्रिसोखेती, अलैँचीखेतीलगायत आयआर्जनका सवालमा सहयोग गर्दै आएको छ ।

“व्यवसाय सञ्चालन गर्नेले मासिक रु पाँच हजारदेखि रु३० हजारसम्म आम्दानी गरिरहेका छन्,” संयोजक थापाले भन्नुभयो । गरिबी निवारण कोषको सहयोगमा आठ हजार ३२३ महिला र तीन हजार ५२९ पुरुष लाभान्वित भएको गरिबी निवारण कोषको तथ्याङ्कले देखाएको छ ।

कोषको अनुदान बीउ पुँजीबाट १२ प्रतिशत ब्याजदरमा सदस्यले ऋण लिएर व्यवसाय सञ्चालन गर्ने गरेका छन् । कोषले गठन गरेको सामुदायिक संस्थामा सदस्यले मासिक रु १० देखि रु १०० सम्म बचत गर्ने गरेका छन् । समुदायको आवश्यकता र मागका आधारमा कोषले लगानी गर्ने गरेको छ । रासस

Related News

Comments are closed

TOP NEWSview all

Four-nation championship: Nepal into the final

KMC installs Pelican crossings at 36 key locations

Japan to recruit 20,000 Nepali caregivers for health sector

Mushroom industry opened in Nawalparasi

UML reminds PM to revise provisions of Cooperative Ordinance




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter