धादिङको विकट स्थानमा जिएसएम मोबाइल

Nepal Telecomeकाठमाडौँ, वैशाख १४ गते नेपाल टेलिकमले धादिङको उत्तरी भेगको विकट स्थानमा जिएसएम मोबाइल सेवा सञ्चालनमा ल्याएको छ ।

जिल्लाको उत्तरी लापा र तिप्लिङमा बिटिएस स्थापना गरी वैशाख १३ गतेदेखि जिएसएम मोबाइल सेवा सञ्चालनमा ल्याइएको टेलिकमका प्रवक्ता प्रतिभा वैद्यले जानकारी दिनुभयो । ती स्थानमा यसअघि कुनै पनि किसिमको दूरसञ्चार सेवा पुगेका थिएन ।

लापामा स्थापित बिटिएसबाट धार्खा, सेरटुङ, बराङ, झारलाङका करिब तीन हजार घरधुरीका बासिन्दालाई मोबाइल फोनमार्फत अन्य क्षेत्र तथा विश्व समुदायसँग सम्पर्क स्थापित गर्न सहज भएको छ । लापा धादिङ बेँसीबाट ५५ किलोमिटर सडक मार्ग (धुनधुरेसम्म) र दुई दिनको पैदल मार्गको दूरीमा रहेको छ ।

त्यस्तैगरी तिप्लिङमा स्थापित बिटिएसबाट तिप्लिङ र सेरटुङलगायत नजिकका गाउँका करिब दुई हजार घरधुरीका बासिन्दा यसबाट लाभान्वित हुने छन् । तिप्लिङ धादिङ बँेसीबाट ५५ किमी सडक मार्ग (धुनधुरेसम्म) र तीन दिनको पैदल मार्गको दूरीमा छ ।

दुर्गम तथा अति विकट क्षेत्रका ग्रामीण तहसम्म दूरसञ्चार सेवाको पहुँच विस्तार गर्ने सरकारको नीतिअनुसार कम्पनीले सो क्षेत्रमा सेवा विस्तार गरेको टेलिकमले जनाएको छ ।

प्रतिफल कम आउने र तुलनात्मकरुपमा लगानी बढी हुने स्थानमा समेत समान रुपमा दूरसञ्चार सेवा विस्तार गर्ने क्रमलाई निरन्तरता दिँदै सो स्थानमा हालै उपकरण जडान गरी नेपाल टेलिकमले सेवा सञ्चालनमा ल्याएको कम्पनीद्वारा जारी विज्ञप्तिमा उल्लेख छ । रासस

Related News

Comments are closed

TOP NEWSview all

266 new cases of COVID-19; suspects entering Valley to undergo Antigen Tests

Nepal has to focus on exporting value-added products recommends EU Ambassador Deprez

Govt to provide Rs 4 lakh to wining Nepali football team

Health insurance reaches 77 districts

NTA’s Broadband Internet connected to 75 percent of target areas




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter