आफूले काम लगाउनसकिने मान्छेलाई मत दिऔँ : पूर्वप्रधानन्यायाधीश

Kedar Nath Upadhayaसोलुखुम्बु,जेठ २१ गते । पूर्वप्रधानन्यायाधीश तथा राष्ट्रिय मानवाधिकार आयोगका पूर्वअध्यक्ष केदारनाथ उपाध्यायले यसपटक स्थानीय निकाय नभई स्थानीय तहको निर्वाचन भएका कारण सोहीअनुसारको व्यक्तिलाई मतदान गर्नुपर्ने बताउनुभएको छ ।
लोकतान्त्रिक स्वतन्त्र मानवाधिकार संस्था, काठमाडौँको आयोजनामा आज सोलुखुम्बुको सदरमुकाम सल्लेरीमा सम्पन्न ‘स्वतन्त्र, निष्पक्ष र विश्वसनीय निर्वाचन’ विषयक अन्तक्र्रियामा उपाध्यायले निर्वाचनबाट स्थानीय सरकार गठन हुने भएकाले आफूहरुले काम लगाउनसक्ने व्यक्तिलाई छनोट गर्नुपर्ने बताउँदै स्थानीय तहमा गठन हुने सरकारले केके काम गर्छ र त्यसमा कस्ता व्यक्ति उपयुक्त हुन्छन् भन्ने कुराको ज्ञान आम नागरिकसम्म पु¥याउन सबै पक्ष लाग्नुपर्ने बताउनुभयो ।

कार्यक्रममा इन्सेकका अध्यक्ष सुशील प्याकुरेलले अहिलेको निर्वाचनलाई पनि २०५४ को स्थानीय निकायकै रुपमा बुझिएको पाइएकाले यसप्रतिको ज्ञान प्रवाह गर्नुपर्ने भन्दै दल जुन भएपनि व्यक्ति सक्षम खोज्न नागरिकलाई आकर्षित गर्नुपर्ने बताउनुभयो ।

कार्यक्रममा सोलुखुम्बुका प्रमुख जिल्ला अधिकारी उमेश पाण्डे र प्रहरी नायब उपरीक्षक माधवप्रसाद बुढाथोकीले जिल्लामा हालसम्मको अवस्थामा सुरक्षा चुनौती निकै कम रहेको र धाँधलीरहित निर्वाचन गराउन आफूहरु तयार रहेको बताउनुभयो ।

कार्यक्रममा विभिन्न राजनीतिक दल, सङ्घसंस्था तथा सञ्चारकर्मीले निष्पक्ष र विश्वसनीय निर्वाचनका लागि प्रशासन विभेदरहित हुनुपर्ने र दलहरुले जिम्मेवारीपूर्वक कार्यक्रम गर्नुपर्ने बताएका थिए । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Clean Nepal is possible as over 23 million people are willing to contribute: Khem Sharma

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Pratibedan Baidya