डिजेल, पेट्रोल, मट्टितेल प्रतिलिटर डेढ रुपैयाँ घट्यो
नेपाल आयल निगमले इन्धनको मूल्य घटाएको छ । निगम प्रवक्ता सीताराम पोख्रेलका अनुसार पेट्रोल, डिजेल र मट्टितेलमा प्रतिलिटर एक रुपैयाँ पचास पैसा मूल्य घटाइएको हो । घटेको मूल्य शुक्रबार रातिबाट लागू हुनेछ ।
उनका अनुसार नयाँ मूल्य कार्यान्वयनमा आएपछि उपभोक्ताले पेट्रोल एक सय रुपैयाँ र डिजेल तथा मट्टितेल ७६ रुपैयाँ प्रतिलिटरमा उपभोक्ताले खरिद गर्न सक्नेछन् । तराईका उपभोक्ताले भने यो मूल्यमा एक रुपैयाँ ५० पैसा सस्तोमा खरिद गर्न पाउँछन् ।
भारतीय आयल कर्पोरेसन (आईओसी) ले शुक्रबार नयाँ मूल्य पठाएको र मूल्य घटेर आएका कारण नेपाली बजारमा पनि घटाएको उनले जानकारी दिए । मूल्य घटे पनि आयल निगमले १५ दिनमा ३८ करोड नाफा आर्जन गर्ने लक्ष्य राखेको छ ।
भारतमा भन्दा सस्तो
मूल्य घटेपछि तराईस्थित सीमावर्ती बजार र भारतीय सीमा क्षेत्रको मूल्यमा अन्तर बढेको छ । प्रवक्ता पोख्रेलका अनुसार नेपालपट्टी पेट्रोल ११ रुपैयाँ र डिजेल तथा मट्टितेल समान १९ रुपैयाँ प्रतिलिटर सस्तो पर्छ ।