आयुर्वेद चिकित्सक डा. रोका सम्मानित
काठमाडौँ , असार १० गते । आयुर्वेदिक क्षेत्रको विकास र विस्तारमा योगदान पु¥याएवापत त्रिभूवन विश्वविद्यालय चिकित्सा अध्ययन संस्थान अन्तर्गत आयुर्वेद केन्द्रीय क्याम्पसका प्रमुख प्रा. डा. देव बहादुर रोकालाई सम्मान गरिएको छ । क्रिएटिभ क्लबद्वारा आयोजित कार्यक्रममा त्रिविकी शिक्षाध्यक्ष प्रा. डा. सुधा त्रिपाठीले उनलाई सम्मान गरेकी हुन् ।
डा. रोका नेपालमा काय चिकित्साका वरिष्ठ चिकित्सक हुन् । वि.स. २०१६ सालमा स्याङजा जिल्लामा जन्मिएका रोका विगत ८ वर्षदेखि आयुर्वेद क्याम्पस प्रमुखका रुपमा कार्यरत छन् । कार्यक्रमका विशिष्ट अतिथि वरिष्ठ वालरोग विशेषज्ञ तथा नेपाल संस्कृत विश्वविद्यालयका पूर्व सहायक डिन डा. शिवमंगल प्रसाद, आयुर्वेद विभागका महानिर्देशक डा. वासुदेव उपाध्यायलगायतले डा. रोकाको योगदानको प्रशंसा गरेका थिए ।
कार्यक्रमका प्रमुख अतिथि समेत रहेकी त्रिपाठीले नपालमा आयुर्वेद क्षेत्रको उत्थानका लागि गतिशील र क्षमतावान् प्राध्यापकहरुलाई आयुर्वेद क्याम्पसको नेतृत्वमा ल्याउनु समयको माग भएको धारणा व्यक्त गरेकी थिइन् । सम्मान ग्रहणपछी डा. रोकाले आयुर्वेद जगत्को विकासमा थप उर्जाका साथ लाग्ने प्रतिवद्धता जाहेर गरे । आयुर्वेद क्याम्पसलाई भ्रष्ट र विकृत नेतृत्व होइन्, आयुर्वेद जगत्मा योगदान पुर्याएका, समयानुकूल आयुर्वेद क्षेत्रको विकास गर्न सक्ने नेतृत्वको आवश्यकता रहेको कुरा डा. शिवमंगल प्रसादले कार्यक्रममा बताएका थिए ।