उपत्यकाबाट २८ मेट्रिक टन फोहर व्यवस्थापन

Bagmati cleaning Campaignकाठमाडौँ, असोज २१ गते । उपत्यकाका नदी र चक्रपथ सफाइ गरी २८ मेट्रिक टन फोहर व्यवस्थापन गरिएको छ ।
वाग्मती सफाइ महाअभियानको २३० औँ हप्तामा आज पशुपति राममन्दिर क्षेत्रमा सफाइ गरी चार मेट्रिक टन फोहर व्यवस्थापन गरियो । सफाइमा अधिकार सम्पन्न वाग्मती सभ्यता एकीकृत विकास समिति, काठमाडौँ महानगरपालिका, नेपाली सेना, नेपाल प्रहरी, सशस्त्र प्रहरी, तिलगंगा महिला समूहलगायत संस्थाका ४५० भन्दा बढीको सहभागिता रहेको वाग्मती सफाइ महाअभियानका प्रवक्ता उमेश बोहराले जानकारी दिनुभयो ।

सफाइमा पूर्व मुख्य सचिव एवं चीनका लागि नेपाली राजदूत लीलामणि पौडेल, पशुपति क्षेत्र विकास कोषका सदस्य सचिव डा प्रदीप ढकाल, अधिकार सम्पन्न वाग्मतीका अध्यक्ष नरेन्द्रबहादुर बस्नेत, पूर्व सचिव कृष्णचन्द्र पौडेललगायतको सक्रियता थियो ।

गुह्येश्वरीमाथिको वाग्मती सफाइको १९० हप्तामा आज हनुमान घाट र गोठाटार पुल वरपर सफाइ गरी दुई मेट्रिक टन फोहर व्यवस्थापन गरियो । सफाइमा राम्रो जोरपाटी, हाम्रो जोरपाटी र पुडासैनीमैत्री समाजलगायत संस्थाका गरी १०० जनाभन्दा बढी अभियानकर्मीको सहभागिता थियो ।

रुद्रमती सफाइको १८८ औँ हप्तामा आज रातोपुलदेखि कालोपुलसम्मको नदी किनारमा रोपिएका बिरुवा गोडमेल गरी जम्मा भएका फोहर सफा गरियो । सफाइमा फ्लोरिकल्चर एशोसियशन नेपालका समेत ४०० भन्दा बढीको सक्रियता थियो । सफाइबाट एक मेट्रिक टन फोहर व्यवस्थापन गरियो ।

विष्णुमती सफाइको १५९ औँ हप्तामा बालाजु माछापोखरी क्षेत्रमा सफाइ गरी दुई मेट्रिक टन फोहर व्यवस्थापन गरियो । सफाइमा १५० जनाभन्दा बढी अभियन्ताको सहभागिता रहेको अभियानकर्मी विजेन्द्र लामाले जानकारी दिनुभयो ।
मनोहरा नदी सफाइको २८ औँ हप्तामा आज जडीबुटीस्थित बिपी आँखा अस्पताल क्षेत्र वरपर सफाइ गरी चार मेट्रिक टन फोहर व्यवस्थापन गरियो ।

चक्रपथ सफाइको २६ औँ हप्तामा वसुन्धरा क्षेत्रमा सफाइ गरी १० मेट्रिक टन फोहर व्यवस्थापन गरियो । यसैगरी मीनभवन आलोकनगर सफाइको २६ औँ हप्तामा एक मेट्रिक टन फोहर व्यवस्थापन भयो ।

यसैगरी चक्रपथको सीतापाइला सफाइको आठौँ हप्तामा सीतापाइलादेखि हलचोकसम्म सफाइ गरी दुई मेट्रिक टन फोहर व्यवस्थापन गरियो । सफाइमा नागार्जुन नगरपालिकाका प्रमुख मोहन बस्नेत, कलाकार श्रीकृष्ण सिम्खडालगायत अभियन्ताको सहभागिता रहेको संयोजक ताराबहादुर कुँवरले जानकारी दिनुभयो ।

यसैगरी इन्द्रमती नदी सफाइको छैटौँ हप्तामा कलंकी मन्दिर आसपासको क्षेत्रमा सफाइ गरी दुई मेट्रिक टन फोहर व्यवस्थापन गरियो । विसं २०७० जेठ ५ गते शनिबारदेखि वाग्मती सफाइ महाअभियान शुरु भएपछि देशभर सफाइ गर्ने जागरण आएको छ ।

यसैगरी विश्व सम्पदा सूचीमा सूचीकृत पशुपति क्षेत्रमा सफाइ गरी रंगरोगन गरेर टल्काउने अभियानमा लागेका कोष, वाग्मती सफाइ महाअभियान, खेम्स क्लिनिङ अष्ट्रेलियालगायत संघ संस्थाको सहभागितामा आइतबार बिहान ११ बजेदेखि साँझ ७ बजेसम्म विशेष सफाइ गरिने अभियन्ता गोविन्द काफ्लेले बताउनुभयो ।

सफाइमा सक्रिय हुन चाहनेलाई वाग्मती सफाइ महाअभियानले सहभागी हुन आह्वान गरेको छ ।

Related News

Comments are closed

TOP NEWSview all

Japan Hands Over the Sanitary Napkin-Making Machine in Parsa

Mayor Shah directs employees to reduce visits, seminars

Veteran singer, musician Bhakta Raj Acharya passes away

Trade deficit of Rs 811 billion in first seven months

WHO congratulates Nepal for legislation to restrict trans-fatty acids in food




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter