पर्यटकीय सवारीसाधनलाई व्यवस्थित बनाउन बसपार्क

traval busकाठमाडौँ, कात्तिक ११ गते । पर्यटकीय सवारी साधनलाई व्यवस्थित बनाउनका लागि पर्यटकीय बसपार्क आवश्यक रहेको व्यवसायीले बताएका छन् ।

टुरिष्ट बस एशोसिएसन अफ नेपाल (टिवान)को ‘सातौँ वार्षिक साधारणसभा तथा निर्वाचन कार्यक्रम’का वक्ताले देशको विकासको मुख्य आधार पर्यटन क्षेत्र भएकाले यसको विकासका लागि बसपार्क आवश्यक रहेको बताएका हुन् ।

कार्यक्रममा पोखरा पर्यटन विकास परिषद्का अध्यक्ष केदारनाथ शर्माले राज्यले पर्यटन क्षेत्रलाई प्राथमिकतामा राख्न नसकेको गुनासो गर्नुभयो । “यात्रुलाई सुरक्षित गन्तव्यसम्म पु¥याउने पर्यटकीय बसलाई राज्यले बेवास्ता गरेको छ,” उहाँले भन्नुभयो ।

नेपाल एशोसिएसन अफ टुर्स एण्ड ट्राभल्स एजेन्ट्स (नाट्टा)का पश्चिमाञ्चल अध्यक्ष दिलप्रसाद गौतमले पूर्वाधारको अभावका कारण पर्यटकीय बससञ्चालन गर्न समस्या परेको बताउनुभयो । “पर्यटकीय बसलाई सहज रुपले सञ्चालन गर्नका लागि पर्यटन ऐनमा संशोधन गर्नुपर्ने आवश्यक छ,”– उहाँले भन्नुभयो ।

टुरिष्ट बस एशोसिएसन अफ नेपाल (टिवान)का अध्यक्ष श्रीकान्त आचार्यले पछिल्लो समय युवा व्यवसायी पर्यटकीय बसतर्फ आकर्षित हुँदै गएकाले यूवा व्यवसायीको लगानीको सुरक्षाका लागि सरकार गम्भीर हुनुपर्ने बताउनुभयो ।

विसं २०६७ मा स्थापना भएको टिवानमा हाल ३४ वटा कम्पनीले सदस्यता लिनुका साथै काठमाडौँदेखि पोखरा र काठमाडौँदेखि सौराहसम्म बस सञ्चालन भइरहेको टिवानका उपाध्यक्ष ईश्वर शर्माले जानकारी दिनुभयो । हाल काठमाडौँको जमलदेखि बिहान ७ बजे पोखरा र चितवनका लागि बस छुट्दै आएका छन् । साधारण सभाले आजै नयाँ कार्यसमिति समेत चयन गर्ने कार्यक्रम रहेको संस्थाका महासचिव दीपक भट्टराईले बताउनुभयो ।

राससकर्मी रेग्मी सम्मानित

टिवानको सातौँ वार्षिक साधारण सभाले राष्ट्रिय समाचार समिति (रासस)का समाचारदाता अच्युत रेग्मीलाई सम्मान गरेको छ ।

लामो समयदेखि विभिन्न सञ्चारमाध्यमको क्षेत्रबाट पर्यटकीय क्षेत्रमा देखिएका समस्या र यसको समाधानका बारेमा कलम चलाएको भन्दै रेग्मीलाई बटुकाजी खत्री स्मृति पत्रकारिता पुरस्कारबाट सम्मान गरिएको हो । उहाँलाई रु १० हजार नगदसहित सम्मानपत्रले सम्मान गरिएको हो ।

यसैगरी पर्यटन पत्रकार संघ (जाट) नेपालका प्रथम उपाध्यक्ष एवं पर्यटन न्यूज डटकमका सम्पादक शिव श्रेष्ठसमेत सम्मानित हुनुभएको छ । उहाँलाई रु १० हजार नगदसहित सम्मान गरिएको हो ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi