आचारसहिंता पालना गर्न÷गराउन सबै लाग्नुपर्ने; स्थायी शान्ति र समृद्धिका आधार निर्माण गर्नुपर्नेमा जोड

Merger of Commuist Parties

ललितपुर, कात्तिक १३ गते । राजनीतिक दलका प्रतिनिधि, सुरक्षा निकायका प्रमुख, कर्मचारी, पत्रकारलगायतले निर्वाचनको समयमा आचारसहिंताको पालना गर्न गराउन सबै लाग्नुपर्नेमा जोड दिएका छन् ।

जिल्ला निर्वाचन कार्यालय ललितपुरले आज यहाँ आयोजना गरेको कार्यक्रममा ललितपुरका मुख्य निर्वाचन अधिकृत बालमुकुन्द दवाडीले आचारसहिंताको उल्लंघन हुँदा आयोगले गरेको व्यवस्थाअनुसार कारबाही हुने बताउनुभयो ।

उहाँले भन्नुभयो, “सामान्य जरिवानादेखि उम्मेदवारी रद्दसम्मको व्यवस्था छ, हामी त्यसलाई कार्यन्वयन गराउँछौं ।” पूर्वाग्रही भएर उजुरी नगर्न उहाँले दलहरुलाई आग्रह समेत गर्नुभएको छ ।

प्रमुख जिल्ला अधिकारी महादेव अधिकारीले सवारी साधनको गलत प्रयोग हुँदा तुरुन्त खबर गर्दा प्रशासनलाई कारबाही गर्न सजिलो हुने बताउनुभयो ।

नेपाली काँग्रेसका जिल्ला सचिव भीमसेन घिमिरेले निर्वाचनकै दिनसमेत दलका प्रतिनिधिको उपस्थितिमा परिचयपत्र दिनुपर्ने आवश्यकता औंलाउनुभयो ।

जिल्ला निर्वाचन कार्यालयका प्रमुख सीता साङ्वाले निर्वाचनको दिनमा केन्द्र व्यवस्थापन गर्नुपर्ने हुँदा कर्मचारीले परिचयपत्र बाँड्न नभ्याउने बताउनुभयो ।

जिल्ला निर्वाचन कार्यालयले आसन्न निर्वाचनलाई व्यवस्थित बनाउनका लागि विभिन्न सरोकार राख्ने निकायका प्रतिनिधिसँग छलफल थालेको छ । स्थानीय निकायको निर्वाचनमा भन्दा अहिले झण्डै एक हजार ५०० मतदाता थप भएको कार्यालयले बताएको छ ।

स्थायी शान्ति र समृद्धिका आधार निर्माण गर्नुपर्नेमा जोड

आगामी मंसिरमा हुने दुवै तहका चुनाव सम्पन्न भएपछि स्थायी शान्ति र समृद्धिका आधार निर्माण गर्नुपर्नेमा जोड दिइएको छ ।

त्रिभुवन विश्वविद्यालय (त्रिवि) अन्तर्गत द्वन्द्व, शान्ति र विकास अध्ययन विभागले आज आयोजना गरेको अन्तक्र्रियामा सहभागी वक्ताहरुले मुलुकमा संविधान कार्यान्वयनसँगै दण्डहीनताको अन्त्य तथा विधिको शासन प्रभावकारीरुपमा कार्यान्वयन गरी देश र जनतालाई समृद्ध बनाउन सकिने औँल्याउनुभयो ।

त्रिविका शिक्षाध्यक्ष डा सुधा त्रिपाठीले अब देशमा कस्तो जनशक्ति उत्पादन गर्ने हो त्यसैका आधारमा सीपमूलक, व्यावसायिक शिक्षाको विकास गर्नुपर्नेमा जोड दिनुभयो ।

त्रिवि मानविकी संकायका डिन प्रा डा शिवलाल भुसालले विदेशीले विभिन्न स्वार्थ र आशयबाट गरिएका मुलुकलाई गरेका सहयोगलाई बन्द गरी पूर्वाधार निर्माण तथा संरचनागत विकासमा स्थानीय तहलाई सहभागी गराउनुपर्नेमा जोड दिनुभयो ।

कार्यक्रमका संयोजक प्रा डा हेमराज सुवेदीले सामाजिक न्याय र वितरण प्रणालीमा सन्तुलन नहुँदा मुलुकमा भ्रष्टाचार बढ्दै गएको त्यसलाई न्यूनीकरण नगरी विकास सम्भव नरहेको विचार व्यक्त गर्नुभयो ।

उक्त कार्यक्रममा नरबहादुर थापाले शान्ति निर्माणमा आर्थिक नीतिको भूमिका, डा खड्ग केसीले वैदेशिक नीति र प्रा विन्दु पोखरेलले नेपालमा द्वन्द्वपछिको शान्ति प्रक्रियामा महिलाको सहभागिता विषयमा कार्यपत्र प्रस्तुत गर्नुभयो ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi