पुनःनिर्माण प्राधिकरणले दियो नयाँ प्राविधिकहरुलाई निर्देशन
काठमाण्डौ , मंसिर १७ गते । राष्ट्रिय पुनर्निर्माण प्राधिकरणले पक्षपातरहित ढंगले पुनर्निर्माणको काममा सहभागी हुन प्राविधिकहरुलाई निर्देशन दिएको छ । आइतबार प्राधिकरणका प्रमुख कार्यकारी अधिकृत युवराज भुसालले सो निर्देशन दिएका हुन् ।
कार्यकारी अधिकृत भुसालले मानवीय सेवामा कही कतै पनि भेदभाव हुन नहुनेतर्फ प्राविधिकहरुलाई सचेत समेत गराए । भूकम्प प्रभावित ३१ जिल्लाका लागि करारमा नियुक्त गरिएका २ सय ८२ जना इन्जिनियर र ४ सय जना सव इन्जिनियरहरुको तालिम समापन कार्यक्रममा बोल्दै उनले सम्बन्धित स्थानीय तहमा समन्वय गरेर काम गर्ने कार्यादेश रहेको पनि स्मरण गराए ।
भुसालले जनताको माझमा रहेर पुनःनिर्माणको कामलाई अघि नबढाए प्राविधिकहरुमाथि सामन्तको जस्तो व्यवहार गरेको आरोप लाग्नेतर्फ पनि सचेत गर ।
प्राधिकरणले ६ महिनाका लागि करारमा नियुक्त गरी इन्जिनियर, सव इन्जिनियरहरुको टोलीलाई आईतबारदेखि पुनर्निर्माणको काममा खटाएको छ ।