मुक्त कमलरीको जीवन फेरिँदै

Tharu femalesनेपालगञ्ज, पुस २२ गते । केही वर्ष पहिलेसम्म अरूको घरमा ज्याला मजदुरी गरेर पेट पाल्दै आएका बर्दियाका मुक्त कमलरीहरूले तरकारी खेती सुरु गरेपछि अहिले उनीहरूको जीवन फेरिएको छ । बर्दियाका मुक्त कमैयाको तरकारी खेती अन्य किसानका लागि पनि उदाहरण बनेको छ ।

सय पचास रुपियाँका लागि समेत अरूसँग हात फैलाउने उनीहरू अहिले तरकारी खेतीबाट वार्षिक ४ लाख रुपियाँसम्म आम्दानी गर्दै आएका छन् । राजापुर ४, सङ्घर्ष नगरकी मुक्त कमैया बालकुमारी थारूले तरकारी खेतीबाट वार्षिक करिब चार लाख रुपियाँ आम्दानी गर्दै आउनुभएको छ ।

पाँच कट्ठा जमिनमा गरिएको तरकारी खेतीबाट बर्सेनि खर्च कटाएर चार लाख रुपियाँ बचत हुने गरेको उहाँले बताउनुभयो । आम्दानी बढ्दै गएपछि उहाँले आधुनिक कृषि खेतीका लागि बोरिङ सेट, बीउबिजन र ट्रेलर मेसिन पनि खरिद गरिसकेको जनाउनुभयो ।

सङ्घर्षनगरस्थित मुक्त कमैया बस्तीकै रामकृष्णा चौधरीले पनि तरकारीबाट राम्रो आम्दानी गर्न थालेपछि मजदुरी छाडेको बताउनुभयो । तरकारी खेतीबाट उहाँले तीन महिनामा ९५ हजार रुपियाँ आम्दानी गरेको सुनाउनुभयो । डेढ कट्ठा जग्गामा लगाएको टमाटर, लौका, बोडी, भिन्डीले राम्रो आम्दानी भएपछि क्षेत्रफल वृद्धि गरी खेतीलाई आधुनिक बनाउँदै लैजाने उहाँको पनि योजना छ ।

बाल कुमारी र रामकृष्णा मात्र नभई सङ्घर्षनगरका अधिकांश मुक्त कमैया महिला तरकारी खेतीबाटै आर्थिक रूपमा सबल हुन थालेका छन् ।

स्थानीय चुन्ना चौधरीले सङ्घर्षनगरका २४ मुक्त कमैया तरकारी खेतीमा जुटेको बताउनुभयो । उहाँहरूले उत्पादन गरेको तरकारी राजापुर बजार हुँदै पाताभार र मानपुरटपरासम्म पुग्ने गर्छ ।

थोक व्यापारीहरूले गाउँमै आएर तरकारी खरिद गर्ने भएकाले बजारको समस्या नभएको ती महिलाहरूको भनाइ छ । माग अनुसारको तरकारी बेच्न पाउँदा आफूहरूलाई सन्तुष्टि मिलेको चौधरीले बताउनुभयो ।

तरकारी खेतीप्रति आकर्षित उनीहरूले थोरै जग्गामा पनि राम्रो आम्दानी गर्न थालेको बताएका छन् । तीमध्ये केहीले जमिन भाडामा लिएरसमेत तरकारी खेती विस्तार गर्न थालेका छन् ।

यसैबीच कृषि विकास कार्यालय बर्दियाले जिल्लामा तरकारी खेती धेरै हुन थालेपछि प्याजबाहेक अन्य तरकारीमा बर्दिया आत्मनिर्भर भइसकेको जनाएको छ । सो कार्यालयका अनुसार यसअघि भारत र सल्यानबाट बर्दियामा तरकारी आयात हुने गरेकोमा अहिले बर्दियाबाट बाँकेलगायत नेपालका अन्य विभिन्न जिल्लामा तरकारी निर्यात भइरहेको छ ।

साउनको अन्तिम साता आएको बाढीले तरकारी खेतीमा क्षति पु¥याए पनि जिल्लाका किसानले पछि आएर फेरि राम्रो उत्पादन गर्न सफल भएको कृषि विकास कार्यालय बर्दियाले जनाएको छ ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Clean Nepal is possible as over 23 million people are willing to contribute: Khem Sharma

Even though it’s late, victims will get something from the commission: Subedi

Cecil and Harambe; a lesson for Himalayan Republic

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Pratibedan Baidya