डा. केसी तारेखमा छुटे, प्रधानन्यायाधीश पराजुलीको नागरिकता र शैक्षिक प्रमाणपत्र झिकाउन आदेश; फैसला सकारात्मक छ, अनशनबारे भोलि निर्णय गर्छु
काठमाडौँ, पुस २६ गते । डा. गोविन्द केसीलाई साधारण तारेखमा छाड्न आदेश दिएको छ । केसी विरुद्धको थुनछेकसम्वन्धि बहस सकिएलगत्तै न्यायाधीशद्वय पुरुषोत्तम भण्डारी र वमकुमार श्रेष्ठको संयुक्त इजलासले सो आदेश दिएको हो । उनलाई मुलुकी ऐन अ.ब. को ४७ नम्बर बमोजिम तारेखमा छाड्न आदेश दिएको हो ।
त्यस्तै, अदालतले प्रधानन्यायाधीश गोपालप्रसाद पराजुलीको नागरिकता र शैक्षिक प्रमाणपत्रको प्रतिलिपी झिकाउनसमेत आदेश दिएको छ ।
फैसला सकारात्मक छ, अनशनबारे भोलि निर्णय गर्छु
डा. गोविन्द केसीले सर्वोच्च अदालतको फैसलालाई सकारात्मक रुपमा लिएको बताएका छन् । अदालतको फैसला पश्चात् वाहिरिने क्रममा उनले सो कुरा बताएका हुन् । केसीले आफ्नो अनशन फिर्ता लिन वा नलिने भन्ने बारे विहिबार निर्णय गर्ने सञ्चारकर्मीलाई बताएका छन् ।
अदालतको अवहेलना मुद्धामा उनलाई सोमबार प्रहरीले पक्राउ गरेको थियो । अवहेलना मुद्धामा थुनछेकसम्वन्धि बहस सकिएलगत्तै डा. केसीलाई न्यायाधीशद्वय पुरुषोत्तम भण्डारी र वमकुमार श्रेष्ठको संयुक्त इजलासले साधारण तारेखमा छाड्न आदेश दिएको थियो ।
उनलाई मुलुकी ऐन अ.ब. को ४७ नम्बर बमोजिम तारेखमा छाड्न आदेश दिएको थियो । भने प्रधानन्यायाधीश गोपालप्रसाद पराजुलीको नागरिकता र शैक्षिक प्रमाणपत्रको प्रतिलिपी झिकाउनसमेत आदेश दिएको थियो ।