आजदेखि निर्वाचन आचारसंहिता लागु, भोट हाल्न सिकाउँदै आयोग
काठमाडौं, माघ १२ गते । राष्ट्रियसभा सदस्य निर्वाचनका लागि शुक्रबारदेखि आचारसंहिता लागू भएको छ। निर्वाचन स्वच्छ, निष्पक्ष, पारदर्शी र भयमुक्त वातावरणमा निर्वाचन गर्न आचारसंहिता लागू गरिएको निर्वाचन आयोगले बताएको छ।
निर्वाचन आयोगले एक सूचना जारी गर्दै नेपाल सरकार र मन्त्री, प्रदेश र स्थानीय तह, सार्वजनिक संस्थाका कार्यालय तथा कर्मचारी, सुरक्षा नकाय, निर्वाचनको काममा संलग्न कर्मचारी, राजनीतिक दल तथा भ्रातृ संगठन, उम्मेदवार, सार्वजनिक पद धारण गरेको व्यक्ति, पर्यवेक्षक तथा सरकारी र निजि क्षेत्रका सञ्चारमाध्यमलाई आचारसंहिता लागु हुने जनाएको छ । आयोगले आज जिल्ला निर्वाचन अधिकारीहरुलाई राष्ट्रिय सभा चुनावमा भोट हाल्ने तरिका सिकाउ सुरु
गरेको समेत जानकारी दिएको छ ।
माघ २४ गते हुने राष्ट्रियसभा निर्वाचनमा स्थानीय तहका प्रमुख र उपप्रमुख तथा प्रदेशसभा सदस्य मतदाता हुने व्यवस्था छ।